Yesaia 12:5 - ICIGHAN BIBILO

⁵ Wa nen TER icam, gadia A er akaa a doon a hemban cii; kwagh ne a̱ hingir ken igbar sha tar cii.

Yesaia 12:5 Iomraidhean Croise

Upasalmi 105:2

Wa icam ter nen Un, wa nen atsam a wuese Un, ôron nen kwagh u akaa Na a kpilighyol cii.

Upasalmi 72:19

man shi i̱ wuese iti Na i dion tsung gbem sha won; tar cii u̱ iv a iengem Na. Amen, man shi Amen kpaa.

Upasalmi 98:1

Wa nen TER icam i he, gadia A er akaa a kpilighyol je; uwegh Nagh ku yanegh man icighanikasewe Na, na Un mhembe.

Ekesodu 15:1

Tsô zum la Mose kua Mbaiserael gba wan icam ne teren TER, kaan er: Me wa icam me ter TER, gadia A hemba tser tser; nyinya kua orhendan un kpaa, A haa ve shin zegemnger.

Ekesodu 15:21

Miriam kaa a ve er: Ter nen TER icam, gadia A hemba tser tser; nyinya kua orhendan un kpaa, A haa ve shin zegemnger.

Yesaia 24:14

Mba genger imo ember gur gur; sha ci u icivir i TER i hemban la, mba genger imo hen vegher u shin zegemnger.

Yesaia 40:9

Unde sha uwo u taven, we Shion u u yee loho u dedoo ne; genger imo taver taver, we Yerusalem u u yee loho u dedoo ne, genger imo de cie ga, kaa agar a Yuda wer: Nenge, Aôndo wen Ngun!

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 42:11

Desereti man agar a keregh ve̱ genger imo, angarev mba Kedar a tem kimi la kpaa; mba ve tem ken Sela, ve̱ wa icam, ve̱ er akenge sha ityouv mbi iwoov.

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.