Yesaia 12:1 - ICIGHAN BIBILO

¹ Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 12:1 Iomraidhean Croise

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Yobu 11:16

een, ma u hungul ican you, ma u umbur i er mngerem ma ma kar kera nahan.

Yobu 13:16

Kwagh ne una hingir mo myom je; gadia or u wan Aôndo iko ga, nana va sha ishigh Nagh ga.

Upasalmi 30:5

Gadia iyugh Na ngi sha anshighe kpeghee tsô, mrumun Na yô, ngu zan zan ayange a uma u or cii; mliam ma haan ka ma tsa tugh, kpa pepe yô, a lu iember.

Upasalmi 71:21

Seer mo icivir, gema, surum ishima.

Upasalmi 85:4

Aôndo u myom wase, hide a vese; de ishimanyoon You a vese la.

Upasalmi 86:17

Tesem ikav i sha kwagh u doon, sha er mba ve kerem ihom ve̱ nenge, ve̱ va ahenge; gadia We, TERE, U wasem, man U surum ishima kpaa yô. Ka Pasalmi u ônov mba Kora. Ka icam

Upasalmi 9:1

Me wuese TER a ishima yam cii, me pase aeren a Ou a kpilighyol cii.

Yesaia 10:25

Gadia mase shin ciôn tsô, iyugh ia kure, ishima i vihin Yam kpaa ngi sha u za timin ve.

Yesaia 10:4

Vea gba ngurum inya er mbakwarev nahan tsô, vea gba inya er mba i woo ve yô. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 11:16

Kômgbenda kpaa una lu sha ci u asande a ior Nav a a shi ken Ashiria la, er iyange lu sha ci u Iserael zum u a mough ken Igipiti la nahan.

Yesaia 14:3

Tsô sha iyange i TER Una na u mmem sha ishima i zungwen you man sha mmemga wou kua tom u ican u i ver u sha mi la,

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yesaia 25:1

TERE, ka We, U lu Aôndo wam ye; me kende U sha, me wuese iti You; gadia U er akaakpilighyol, ka mbamhen mba tsuaa je, sha mimi kua jighjigh.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 26:1

Sha iyange la á wa icam ne ken tar u Yuda er: Se mba a gar u taver; A ver myom er, a̱ lu gilgar kua akpagar.

Yesaia 35:10

Mba TER A paa ve la vea hide, vea va a icam i wan hen Shion; iember i tsôron ia lu ve sha ityou; vea zua a msaanyol kua iember, ishima i vihin kua ishima i shirin ia yevese kera.

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 51:3

Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Yesaia 54:7

M gbihi u kera sha anshighe kpeghee tsô, kpa Me hide a we sha mhôônom ma zungwen ma vesen.

Yesaia 54:8

Ka sha ishima i nyoon M yer u ishigh Yagh sha anshighe kpeghee ye; kpa M zungwe u mhôônom sha erdoo u tsôron, kape TER Orpaan wou A kaa la.

Yesaia 54:9

Gadia kwagh ne ngum er sha ayange a Noa la nahan; er M bum Mer, mngerem ma deemee ma Noa maa kera cir tar mayange ga nahan kape M bum Mer Me kera yuwe ga je la, mzehe kpaa Me zôhô a we ga.

Yesaia 60:10

Ior mba ken iniongo igen vea maa ugilgar ou, man utor vev vea er u tom; gadia sha ishima i nyoon Yam M gbidye u, kpa sha erdoo Wam M zungu u mhôônom.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Yesaia 65:18

Kpa lu nen saan saan, ember nen gbem sha kwagh u M lu gban yô; gadia, nenge, M ngu gban Yerusalem Mer, a̱ lu kwagh u iember, ior nav kpaa ve̱ lu saan saan.

Yesaia 66:13

Er or u ngô u nan ka a sur nan ishima nahan, kape Mo kpaa Me sur ne asema la; á sur ne asema ken Yerusalem je.

Yeremia 30:19

Tsô á ungwa imo i iwuese ken a ve kua imo i mba ve lu sar sar yô; man shi Me seer ve vea ngee, vea kera ndahar ga; Me shi Me kende ve sha, vea kera lu kwagh u ikoogh ga ze.

Yeremia 31:13

Hen shighe la iniunkwase ia ember ia vinen amar, kua ikaior man mbatamen imôngo kpaa; gadia Me gema ijungwen ve ia hingir iember, Me sur ve ishima man Me na vea ember er ishimavihin ve i bee yô.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Hosea 6:1

Va sé hide nen hen TER; gadia ka Un A ande ye, shi Una wanger se; ka Un A gber avav ye, shi Una kange se a.

Sekaria 1:16

Nahan yô, TER ngu kaan nahan er: M hide hen Yerusalem a mhôônom ma zungwen; á maa iyou Yam ker, kape TER u akum a Sha A kaa ne; á samber kor u karen sha Yerusalem cii.

Sekaria 14:20

Sha iyange la á nger sha amem a anyinya er: Icighankwagh u TER; ityev mbi ken iyou i TER kpaa mbia hingir er ka agbande a sha ishigh ki atse a nanden nagh sha mi la nahan.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 8:11

Kpa hegen yô, Me kera er a asande a ior a a shi ne, er sha ayange a tsuaa la nahan ga, kape TER u akum a Sha A kaa ne.

Sekaria 8:19

TER u akum a Sha ngu kaan nahan er: Kwaghyan u hôron u sha uwer u sha unyiin man u sha utaan man u sha utaankaruhar man u sha pue, una hingir Yuda kwagh u msaanyol man u iember man uiniongo mba dedoo; nahan yô mimi man bem ve̱ doo ne ishima.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?