Yesaia 11:5 - ICIGHAN BIBILO

⁵ Perapera una lu kwange Na u shin iwenge man mimi una lu kwange Na u hen uya.

Yesaia 11:5 Iomraidhean Croise

Upasalmi 109:19

De, mbi̱ hingir un er ikondo i cirin iyol i a cirin la nahan, man er kwange u a zeren shin iwenge gbem yô.

Upasalmi 45:4

Zende a icivir You doo doo, sha ci u kwagh u mimi man u ishima i legh legh man u perapera; uwegh Ough ku yanegh ku̱ tese U akaa a cieryol!

Upasalmi 89:9

We U tema tor sha imanger i zegemnger, zum u agôndo a na ka a mough yô, U yange a, a de.

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Yesaia 25:1

TERE, ka We, U lu Aôndo wam ye; me kende U sha, me wuese iti You; gadia U er akaakpilighyol, ka mbamhen mba tsuaa je, sha mimi kua jighjigh.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 59:17

A haa perapera iyol er rigautya u iyôô nahan; idyer i myom ngu Un sha ityou; A haa iyevoron iyol er ka akondo nahan, man A haa gbashima iyol er ka riga u wuhegh nahan.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Hosea 2:20

Me kange zwa a we sha mimi, nahan ú fa TER.

Sekaria 8:16

Ka akaa a né er a ne: Ôron nen kwagh sha mimi, hanma or a orgen; ôron nen ijir sha mimi man sha bem hen ihindagar yen;

2 Mbakorinte 6:7

man kwaghôron u mimi, man agee a Aôndo, man sha ikav mbi utyav mbi perapera ken uwegh ku yanegh man ku imesegh kpaa,

Mbaefese 6:14

Nahan yô, tile nen, tsule nen kwange hen uya, ka mimi je la, har nen perutya iyol, ka perapera je la,

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.

1 Peteru 4:1

Er Kristu A ye ican ken iyol yô, ne kpaa, kange nen ishima sha mhen ne, gadia u nan ye ican ken iyol yô, nan de isholibo ve,

1 Yohane 1:9

Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.

Mpase U Yohane 1:13

man ker atô u udaarmbaamengerev mbala yô, m nenge a Or er ka Wan u or nahan, haa riga gba shin angahar gema kange kwange u zenaria sha vanger.

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er: