Yesaia 10:6 - ICIGHAN BIBILO

⁶ Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

Yesaia 10:6 Iomraidhean Croise

2 Samuel 22:43

Tsô m kume ve, ve hingir er vuulevu u hen inya nahan, m ndyar ve er angbiôr sha igbenda nahan, m sambe ve kera.

2 Utor 18:25

Kera ka sha mrumun u TER man m kende sha ijiir ne sha u va timin i gaa? Ka TER je, A kaa a mo er: Kôndo, za nôngo ityav a tar la tim u ye.

Yesaia 19:17

Tar u Yuda ua hingir Mbaigipiti kwagh u cieryol, or nana ter ve kwagh u u yô, vea cia, sha ci u awashima u TER u akum a Sha A we sha a ve la.

Yesaia 22:5

Gadia ka iyange i ayôôso je, man i ndyaren shin angahar man i mnzughul i Ter, TER u akum a Sha A ne shin pev u Mpase ne; ka mhembe u i hembe ugilmbaagarev man amo a genger yilan iwo.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yesaia 32:6

Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

Yesaia 33:1

Kwagh á tser u, we or u vihin ior akaa kera, kpa we yô, i vihi u akaa kera ga, we u u eren atseregh, kpa we yô, i er atseregh a we ga. Zum u ú mem u vihin ior akaa kera la, á vihi u kera; man zum u ú de u eren atseregh yô, á er atseregh a we.

Yesaia 33:14

Mbaeren asorabo ken Shion mba cian; mba ve we Aôndo iko ga la, akarkase gbidye ve iyol. Ka anti wase nana fatyô u teman a usu u hian imôngo? Ka anti wase nana fatyô u teman a icôronmhie imôngoo?

Yesaia 41:25

M kpoghol orgen sha imbusutarimese, a va je; sha vegher u sha iyangeiduen je, or u una yila sha iti Yam; una ndyar mbatarev er ka inyandor nahan, er ormaantyegh ka nan kume inyaityuu nahan.

Yesaia 49:17

Ônov ou mba van fefa; mba ve tim u man mba ve saren we la, vea due her a we kera.

Yesaia 49:25

TER ngu kaan nahan er: Mbakwarev mba orutaha je kpaa á ngohol ve kera, man ishar i ipilaor kpaa ia war, Kpa Mo Me hendan a mba ve hendan a we yô, Me yima ônov ou kpaa.

Yesaia 5:25

Ka nahan man iyugh i TER i kende sha ior Nav ye, man shi A naregh uwegh Nagh sha u eren num a ve; A tsaha ve, iwo kpaa tenger, man akom a ve hingir er ihôghonov nahan ker atô u akômaigbinda. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 5:29

kume ve ngu er ngôbegha yô, vea ta kume er agumabegha yô; een, vea kpela iker, vea tsuwe vea kôr inyam, vea kpela i vea yem a mi doo doo kpaa, ma or u yiman i nana lu ga.

Yesaia 5:5

Hegen yô, Me pase ne kwagh u Me er a sule Wam u wain la: Me sough igyar i u kera, á ya u; Me hembe kpekpe u u kera, á ndyar u shin angahar;

Yesaia 63:3

M shoghol atam a wain shin ihungwa Mo mtswen, akuraior kpaa, ma or môm lu a Mo imôngo ga; een, M shoghol ve angahar sha ishima i vihin Yam, M dyendegh ve sha iyugh Yam; awambe a uma ve gema haam sha akondo, zure kôrom sha akondo cii.

Yesaia 63:6

M ndyar akuraior sha ishimavihin Yam, M na, ve hunde sha iyugh Yam, man M haa awambe a uma ve inya.

Yesaia 7:17

TER Una va u, we a ior ou kua ya u teru, a ayange a alu avande van ga, hii sha iyange i Eferaim undu Yuda la je–ka tor u Ashiria je la!

Yesaia 8:4

Gadia er wanakiriki la una lu a fa u yilan er, terem man ngôm ga je tsô, á kura inyaregh ki Damaseku man ishar i á ya ken Samaria la, á za a mi sha ishigh ki tor u Ashiria.

Yesaia 8:8

una kuwa zan zan ken Yuda; una kuwa emememe, una kar; una gba or iker iker je; mnaregh u akper a na una iv igbanger i tar wou cii, we Imanuel.

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 9:19

Sha iyugh i TER u akum a Sha yô, inya hia kera, ior kpaa ve hingir er kwagh u keer usu a mi yô; or zungwe anngô u nan ga.

Yeremia 25:9

nenge, Me tindi i̱ za kura icombor i ken imbusutarimese cii, kape TER A kaa ne, kua Nebukadinesar, tor u Babilon, wanakiriki Wam, Me va a ve, vea ta num sha tar ne, kua mba ve tem sha u kpaa, man sha akuraior a a kase ve ne cii; Me tim ve purututu, Me gema ve vea hingir kwagh u cieryol man kwagh u gbiren iwer a min man atse a aa lu gbem sha won.

Yeremia 3:10

Nahan kpaa, anngô na u kwase Yuda, u a lu a jighjigh ga la, hide her a Mo, kpa ka sha ishima i môm ga, ka sha igyer tsô, kape TER A kaa ne.

Yeremia 34:22

Nenge, TER ngu kaan nahan er: Me kaa imo, Me hide a ve hen gar ne; vea nôngo ityav a na, vea ngohol un kpaa, vea nande un sha usu; Me gema agar a Yuda aa hingir atse, or á kera lu ker ga.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Esekiel 29:20

M na un tar u Igipiti sha ci u tom na u a er yô, gadia ve erem tom, kape Ter AÔNDO A kaa ne.

Esekiel 38:12

sha u yan ishar man u kuran akaa, man u zan uwegh ough sha atse a ayoughough a ior ve hir ve va tem ker yô, mba i za kor ve ken akuraior la, mba ve zough a uzendenya man akaa, mba ve tem sha icombotar yô.

Esekiel 38:13

Sheba man Dedan man mbakasuav mba Tarshishi a agumabegha a na, vea kaa a we er: U va sha u va yan ishara? U kohol ior ou sha u va kuran akaa? sha u yemen a azurfa man zenaria kera, man u kuran ilev man akaa, man u yan ishar kpishi?

Mika 7:10

Tsô orihom wam una nenge, kunya ua kôr un; un u a kaa a mo er: TER, Aôndo wou, ngu hana? la. Ashe am aa kenger un; hegen á ndyar un er angbiôr a sha igbenda yô.

Habaku 1:12

We, U kera lu hiihii je ga, TERE, Aôndo wam, Icighan wama? Sé kpe ga. TERE, U va a ve sha ci u mtsaha, man We Vande, U ver ve sha u kôôm ior.

Sekaria 10:5

Vea hingir er mbaageev mba ve ndyar angahar shin angbiôr a sha akômaigbinda ken utya yô; vea nôngo ityav, gadia TER ngu a ve; mbaanyinyav vea va ahenge.

Mateu 15:7

Ne mbaimangerev, kwagh u Yesaia tsengaôron sha a ven yô, ka vough je, er lu kaa er: