Yesaia 10:22 - ICIGHAN BIBILO

²² Gadia shin er ior ou Iserael ve lu er waarawa hen kpezegemnger nahan, nahan kpaa ka asande ken a ve tsô aa hide ye; i ver mtim keng, a mgbough a perapera je neer haa inya.

Yesaia 10:22 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

1 Utor 4:20

Yuda man Iserael ve ngee kpishi er waarawa hen kpe u zegemnger nahan, ve lu yan akaa, man akaa, ve lu yagh yagh.

2 Utor 19:31

Gadia ka ken Yerusalem asande a a shi her yô, aa due man sha uwo u Shion kpaa mbawaren vea due. Gbashima u TER una er kwagh ne.

Yesaia 37:31

Asande a a wer ken ya u Yuda a a shi her la, shi aa wa amise shin inya, man á ume atam sha.

Yesaia 46:3

Ver ato her a Mo, we ya u Yakob, man asande a hen ya u Iserael a a shi her la, ne mba M tee ne, hii sha mmar wen je, mba M tee ne hii ken uya je;

Yesaia 48:19

man shi tsombor wou ma u lu er waarawa nahan, man ônov mba iyav ou kpaa er ka sam u waarawa yô; ma i gber iti na kera ga, ma i tim i sha ishigh Yagh kera kpaa ga.

Yesaia 59:20

Una va hen Shion sha u va lun Orpaan ve, kua hen ior mba Yakob mba ve gem sha u undun kwaghbo ve la, kape TER A kaa ne.

Yesaia 6:11

Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

Yesaia 6:13

Man aluer nahan kpaa shi môm-ken-upue una shi ker yô, shi á kar a ve ken usu; er kon u terebin man u ouki mba ka a gber ve man akpughur a ve a shi her la, kape icighantsombor una lu ikpughur her la.

Yesaia 60:22

U kiriki una hingir kweior, man u hemban ndahar una hingir ikurior i ageegh; Mo TER, Me er kwagh ne fefa zum u shighe á kuma yô.

Yesaia 65:8

TER ngu kaan nahan er: Er wain u he ka a lu ken sumegh her nahan, man ugen nan kaa er: De vihin ku ga, gadia iveren ngi kimi, kape Me er sha ci u mbayev Av la, Me tim ve kera cii ga.

Yesaia 8:8

una kuwa zan zan ken Yuda; una kuwa emememe, una kar; una gba or iker iker je; mnaregh u akper a na una iv igbanger i tar wou cii, we Imanuel.

Yeremia 3:14

Hide nen, ne ônov mba ne undu mimi wen la, kape TER A kaa ne; gadia Mo M ngu ter wen, nahan Me tôô ne u môm ken gar, uhar ken kwe môm, Me va a ven hen Shion.

Yeremia 44:28

Mba ve wer sanker, mba vea due ken tar u Igipiti, vea hide ken tar u Yuda yô, vea lu ior kpeghee tsô; man asande a Yuda cii a a yem ken tar u Igipiti sha u za teman shir ker la, vea fa kwaghôron u una tile her yô, shin á lu u Wam, shin á lu u ve.

Daniel 9:27

Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

Mpase U Yohane 20:8

Una due sha u tsughun akuraior a ken azongo a tar anyiin la, ka Gogi man Magogi je la, ka sha u una kohol ve sha ci u utya. Ingeegh vegh kuma er waarawa u shin zegemnger nahan.