Yesaia 10:13 - ICIGHAN BIBILO

¹³ Gadia a kaa er: Ka sha agee a uwegh agh man sha kwaghfan wam kpaa m er kwagh ne ye, gadia mo m ngu orkavenkwagh je; nahan m kar a indyor i ityar i akuraior kera, shi m sar inyarev vev, m mgbegha ior, m ta ve inya er nombua nahan;

Yesaia 10:13 Iomraidhean Croise

2 Utor 15:29

Sha ayange a Peka tor u Iserael la, Tigelati-pileser tor u Ashiria va, va ngohol Iyon man Abel-bete-maaka man Yanoa man Kedeshi man Hasor man Gileadi kua Galilia, ka tar u Nafetali cii je la; a kura ve a yem a mi uikangen ken Ashiria.

2 Utor 16:8

Shi Ahashi tôô azurfa kua zenaria mba i zua a mi ken iyou i TER man ken ayou a koson akaa ker a ken ya u tor, a tindi tor u Ashiria a mi iwua.

2 Utor 17:24

Tsô tor u Ashiria za va a ior ken Babilon man ken Kuta man ken Ava man ken Hamati kua Sefarvaim, a va ver ve ken agar a Samaria sha ityough ki Mbaiserael; tsô ve ngohol Samaria ve tema ken agar a na.

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

2 Utor 18:11

Nahan tor u Ashiria kura Iserael yem a mi ken Ashiria, za ver ve ken Hala, man hen kpe u Habor, ifi u ken Gosan, man ken agar a Mbamede la,

2 Utor 18:15

Nahan Hesekia na un azurfa cii, mba i zua a mi ken iyou i TER kua ken ayou a koson akaa ker a ken ya u tor cii.

2 Utor 18:32

zan zan me va kua a ven me za a ven tar ugen u u lu er tar wen nahan, tar u uyia man zar u wain, tar u ruam man u ishule i ikon i wain, tar u ikon i olev kua iyough, sha er ne̱ lu uma, ne̱ kpe ga yô, de veren nen ato sha Hesekia ga, gadia ngu nôngon u geman ne sha u a kaa er, TER Una yima se yô.

1 Kroniku 5:26

Tsô Aôndo u Iserael tor jijingi u Pul tor u Ashiria la ityô, man jijingi u Tilgati-pilneser tor u Ashiria; tsô a va kura Mbaruben man Mbagadi kua vegherkwe u Manase, a yem a mi uikangen ken Hala man Habor man Hara man hen ifi u Gosan zan zan nyian.

Anzaakaa 28:11

Ornyar ka nan lu a kwaghfan sha mnenge u nan, kpa icanor u nan lu a mkav yô, ka nan time nan fa kwagh u nan doo doo.

Yesaia 10:8

Gadia a kaa er: Atiator am cii ka utor gaa?

Yesaia 5:21

Kwagh á tser mba ve nengen ayol a ve er ve mba mbafankwagh, man shi ve nengen ayol a ve er ve mba mbakavenkwagh yô!

Yeremia 46:8

Igipiti ngu moron iyol er ifi u Nil nahan man mngerem nam ma hor er uifi nahan; ngu kaan er: Me mor, me cir tar cii me tim agar kua mba ve tem ken a cii!

Yeremia 48:14

Ka nyi man ne kaan ner: Se mba mbaageev man anomaior a utya?

Esekiel 25:3

kaa Mbaamon wer: Ungwa nen kwaghôron u Ter AÔNDO: Ter AÔNDO ngu kaan nahan er: Sha ci u u kaa wer: Ehee! sha icighanjiir Wam la, zum u i hôngor a mi yô, man sha tar u Iserael kpaa, zum u i gema u u hingir ice la, man sha ya u Yuda kpaa, zum u i yem a ve ken uikangen la,

Esekiel 26:2

Wan u or, sha ci u Tiru a ter Yerusalem, a kaa er: Ehee! i hembe un u a lu hunda u akuraior la, i ver un ivegher her a mo; mo m iv, un yô, gema hingir gbilin,

Esekiel 29:3

ôr kwagh, kaa wer: Ter AÔNDO ngu kaan nahan er: Nenge, M ngu num a we, we, Farao tor u Igipiti, zegedarakon u a yaven shin atô u iwagh ne, u a kaa er: Ifi wam ka u wam iyol yam je, m er un sha ci u wam iyol yam.

Esekiel 35:13

Ne kende ayol a en sha sha u lun ihom a Mo, sha mkaanem enem, man ne seer kwaghôron sha a Mo; M ungwa.

Daniel 4:27

Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Amoshi 5:27

Nahan yô, Me yem a ven uikangen kar Damaseku yem ken hemen, kape TER A kaa ne, Wen u iti Na i lu Aôndo u akum a Sha la.

Amoshi 6:13

ne mba ne ember Lodebar (gbilinkwagh), mba ne kaan ner: Kera ka sha agee ase se ngohol Karnaim (akor) ga?

Habaku 1:11

Nahan ve kar er ahumbe nahan ve yem ken hemen, ve hingir mbalun a ibo, ve mba agee a ve a lu aôndo ve la.

Habaku 1:16

Nahan ve na kper ve nagh, man ve nande kper ve kwaghhumandoon; gadia ka sha a na je, ci na a gbe ikev man kwaghyan na dumbur kpaa ye.

Habaku 2:6

Mban cii vea ver ishor sha a na gaa, man vea wa un asôngo gaa, man injakwaghôron er: Kwagh á tser un u a kohol akaa a a lu a na ga ne— ka zan zan hanma shighe je?—man a kange ikav iyol sha akaa a ityungugh.

Duteronomi 8:17

Yô, de henen ken ishima you wer: Ka tahav av man agee a uwegh agh ve nem inyaregh kin ga.

Mbaajiriv 7:2

Tsô TER kaa a Gidion er: Ior mba ve lu a we ne ngeem yum, Me fatyô u nan Mbamidian sha ikev ve ga, sha er Iserael a̱ de te ihagh a Mo a̱ kaan er: Ka uwegh agh iyol yam ku yemem ye, ga.