Yesaia 10:1 - ICIGHAN BIBILO

¹ Kwagh á tser mba ve we atindi a ifer, kua mbangeren mba ve nger akaavihin,

Yesaia 10:1 Iomraidhean Croise

1 Utor 21:13

Tsô ior ihiar, agbilinaior, ve nyôr ve tema sha ishigh nagh; ve agbilinaior la, ve gba eren shiada sha a na, ka sha Naboti je la, sha ishigh ki iorough, ve kaa er: Naboti tuhwa Aôndo kua tor. Tsô maa ve due a na ken won ken akôngo a gar, ve za ta un awen, a kpe.

Upasalmi 58:2

Ei, ken ishima yô, ne mba eren kwagh u ifer, ne mba kar myohom ma ipila i sha ave a en la, sha tar je.

Ekesodu 23:3

man shi de ôron icanor ijir wer, ka icanor ga.

Ekesodu 23:6

De hundun ijir i icanor wou zum u á va yer ijir na la ga.

Yesaia 29:21

ve mba ve ne or ibo sha ishember kwagh i kwaghôron, man ve hôn to sha u kôron u a tem hen hundagar sha u ôron ijir sha mimi la, man ve mgbegha orperapera kera sha gbilinkwagh.

Yesaia 3:11

Kwagh á tser iferor! Á kpe nan iyol ga, gadia kwagh u ave a nan a er la, á va er nan un nahan vough.

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 5:11

Kwagh á tser mba ve moughon pepe sha u zendan msôrom ma yuwan ityô, mba ve tema tugh zan zan wain a nzughul a ve la!

Yesaia 5:18

Kwagh á tser mba ve udugh ifer sha ikor i aiegh man isholibo kpaa er ka sha kor u ikyekye i kpelan yô;

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 5:8

Kwagh á tser mba ve seer ya sha ya ve, mba ve seer sule sha sule ve, je zan zan ma ijiir i kera shi ga, man ne mase teman hen atô u tar ne, ne tseegh.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Yeremia 22:13

Kwagh á tser or u nan maa ya u nan sha perapera ga la, man ukpombaayoughouv mba nan kpaa sha mimi ga la; u nan ne orgen tom, nan eren nan gbilin, injar i nan kpaa nan kimbi nan ga la;

Amoshi 2:7

ve mba i gbe ve ishima u nengen a ihundu i inyaagh sha ityough ki mbaibanave man mba goom a gbenda u mbaasemaleghlegh; wan man ter u nan ka ve zua hen wankwase môm, sha u hôngor a icighanti Wam;

Mika 6:16

Gadia mba eren sha atindi a Omri kua sha aeren a hen ya u Ahaba cii, man ne mba zenden sha mbamhen vev; sha u Me gema u u̱ hingir ice, man mba ve tem ker kpaa ve̱ hingir kwagh u̱ gbiren iwer a min; nea tôô iheen i ior Av kpaa.

Habaku 2:12

Kwagh á tser un u a maa gar sha awambe, man a taver garutya sha iferkwagh!

Habaku 2:15

Kwagh á tser un u a ne orwanndor a na kwaghman, we u u nongo megh ough sha mi, man u ne un ihundugh kpaa, sha u ú nenge idyelegh ve yô!

Habaku 2:19

Kwagh á tser un u a kaa a kon er: Nder; man a iwen i lamen ga er: Mough sha la, ia fatyô u pasen kwagh kpa? Nenge, i cir i zenaria man azurfa iyol, man iôôn ngi ken atô u i ciôn kpaa ga.

Habaku 2:6

Mban cii vea ver ishor sha a na gaa, man vea wa un asôngo gaa, man injakwaghôron er: Kwagh á tser un u a kohol akaa a a lu a na ga ne— ka zan zan hanma shighe je?—man a kange ikav iyol sha akaa a ityungugh.

Habaku 2:9

Kwagh á tser un u a ye mtsera u bo sha ci u ya na, sha u una wa iya sha ijiir i taven sha je, sha u una war kwagh u bo yô,

Mateu 11:21

A kaa er: We Korashin, kwagh á tser u, we Betesaida, kwagh á tser u; gadia a lu ken Tiru man Shidon man a er akaa a ageegh a i er ken a ven nahan ne yô, ma ve zamber ma ve hee ajav iyol kua mtwem ngise je.

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Mateu 23:27

Kwagh á tser ne, ne mbangeren man Mbafarishi! Gadia ne mba vough er iwar i i kungu nahan, i i doo u nengen ken won, kpa kimi yô, i iv a akuhe a mbakpenev man shi hanma kwagh u hôngorough.

Mateu 23:29

Kwagh á tser ne, ne mbangeren man Mbafarishi, ne mbaimangerev! Gadia ne mba maan iwar i uprofeti man ne mba ser iwar i mbaperapera kpaa,

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Luka 11:52

Kwagh á tser ne, ne mbafanatindiakaa, gadia ne tôô ishindan i kwaghfan kera; ne ayol a en ne nyôr ga man mba ma ve nyer la kpaa ne yange ve.

YOHANE 19:6

Nahan upristi mba tamen man udugwer mba nengen a Na yô, ve gba genger imo kaan er: I̱ mande Un sha terankon, i̱ mande Un sha terankon. Pilatu kaa a ve er: Kôr nen Un ayol a en, za mande nen sha terankon, gadia mo m zua Un a kwaghbo ga.

YOHANE 9:22

Mbamaren un kaa nahan sha ci u ve lu cian Mbayuda yô; gadia Mbayuda vande zuan zwa kera er, aluer ma or nana pase Un er ka Kristu yô, á dugh nan ken shinagoge kera.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.