Yesaia 1:7 - ICIGHAN BIBILO

⁷ Tar wen hingir toho; agar a en, i nande a sha usu; ishule yen kpaa, ior mba tar ugen mba yan i sha ishigh yenegh je; i hingir toho, bee er ior mba tar ugen ve vihi u kera cii nahan.

Yesaia 1:7 Iomraidhean Croise

2 Kroniku 28:5

Ka nahan man TER, Aôndo na, na un sha ikev i tor u Shiria ye, ve ve hemba un, ve kôr ior nav kpishi, ve yem a mi hen Damaseku. Shi i na un sha ikev i tor u Iserael kpaa, a hemba un, a wua un ior kpishi.

Upasalmi 107:34

inya i dedoo, i hingir inyabar, sha ci u ifer i mba ve tem ker la.

Upasalmi 107:39

Kpa shi iyenge ve pande, ve var inya, sha mkighir man ican i tseren ve kua mzungu kpaa.

Upasalmi 109:11

Or u yaren injô nana̱ kura un ikav cii; atôatyev a̱ ya ishar sha tom na cii.

Yesaia 1:8

Man i undu wankwase u Shion er ka ityumbe i ken sule u wain yô, man shi er daarkura u ken sule yô, man shi er gar u ityav mbi kase un mbi tser yô.

Yesaia 3:8

Gadia Yerusalem nôngo gbev, Yuda kpaa gba; gadia nombor ve kua aeren a ve nga ihom a TER, sha u bamen ashe a Na a icivirigh.

Yesaia 34:9

Á gema iwagh na ia hingir mningem ma ilim, vuulevu na kpaa ua hingir sulfur, tar na kpaa ua hingir mningem ma ilim ma hian.

Yesaia 49:19

Gadia atse a agar a ou man ajiir a ou a a hingir gbilin, man tar wou u i vihi u kera la, mimi je hegen á imbishi we sha ci u mngee u ior mba ve tem ken a we; man mba ve mena u la vea gba ica.

Yesaia 5:17

Tsô aniyôngov vea gba yan toho ker er ka hen ijiir ve i yan toho yô, man mba azende azende vea ya atse a mbanyarev.

Yesaia 5:9

TER u akum a Sha kaa, sha ato am je, er: Mimi je, uya kpishi vea hingir atse, mba kehen kua mba dedoo kpaa, or á kera tema ken ve ga.

Yesaia 6:11

Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;

Yesaia 60:15

Er ngise i ta u kera, i kôr u ihom, je ma or kera kar hen we ga, nahan Mo Me gema u, ú hingir kwagh u engem zan zan gbem, man shi kwagh u iember sha ikov ikov.

Yesaia 62:8

TER bum uwegh Nagh ku yanegh man uwegh Nagh ku ageegh, er: Mayange Me kera na alakema wou a̱ hingir kwaghyan u mbaihomov ou ga; ior mba iniongo igen kpaa vea kera ma zar u atam a wain a ou, a u er tom u ican sha mi la, ga;

Yesaia 64:10

Uicighanmbaagarev Ou hingir desereti, Shion kpaa hingir desereti, Yerusalem hingir toho.

Yesaia 9:18

Gadia ifer hie er usu nahan, i nande ukôrakondo kua usaa kera; mimi je, ngu hie ikô i i we mgbigh mgbigh yô, zan zan i kôndo sha er mnyim ma ma vingir ma yem sha nahan.

Yesaia 9:5

Gadia hanma ikôvough ki nguhar ki orutya ki ki lu karen a m-ov, man ikondo i haan iyol, i i gem i i shigh i awambe la yô, á nande kera, á hingir kwagh u keer usu a mi.

Yeremia 2:15

Agumabegha ve ta un kume, ve taver imo; ve gema tar na hingir ice; i nande agar a na sha usu, or kera tema ker ga.

Yeremia 4:7

Begha due ken ikô na, man ortimin u akuraior, mough, a due hen ijiir na, sha u una gema tar wou u̱ hingir toho dang yô; á tim agar a ou kera, or á kera tema ker ga.

Yeremia 44:6

Ka sha ci u nahan man ishima Yam i vihin man iyugh Yam i ve, i gbe yeghen sha agar a Yuda man sha akômaigbinda a Yerusalem ye; a hingir atse man taaikôngo er i lu nyian nahan.

Yeremia 6:8

We Yerusalem, rumun ityesen, sha er uma Wam a̱ de vende u ga yô; man sha er M̱ de gem u u̱ hingir ice, tar u lun a orteman ker ga, ze.

Yeremia 7:34

Zum la Me na imo i ahan man imo i iember man imo i orkwasehe man shi imo i kwasehe kpaa, vea been ken agar a Yuda man sha igbenda i Yerusalem kpaa, gadia tar la ua hingir atse.

Ukwelegh 5:2

I gema dyako wase i na mbavannya, ayou a ase kpaa, i na ior mba ken ityar igen.

Esekiel 25:4

nahan yô, nenge, M ngu nan we sha ikev i ior mba sha ityoughkitaregh, ú hingir kwagh ve, vea wa afo ve ken atô wou, man vea maa uya vev ken a we, vea ya atam a ikon a ou man vea ma atumba a ou.

Esekiel 30:12

Me er uifi vea uma, Me gema tar Me wa u sha ikev i mbaaferev; Me gema tar ua hingir ice kua akaa a a lu kimi cii, sha ikev i ior mba ve lu nongo ugen; Ka Mo TER M kaa nahan ye.

Hosea 7:9

Atôatyev vihi agee na kera, kpa a fa ga; een, ivu ta un agar sha ityou, kpa a fa ga.

Hosea 8:7

Gadia ve lôô ahumbe, vea gema á sunda hiar; asagher nga ga, kwagh u menden la kera ngu a mwem ga; aluer una we sam kpaa atôatyev ma a ye u.

Levitiku 26:33

Me sambe ne ken akuraior, Me tsuwa sanker Me tôv ne ijime, tar wen ua hingir ikôngough gbilin, agar a en kpaa aa hingir atse.

Levitiku 26:34

Nahan á kpe tar iyol sha ayange a memen a u, sha ayange a u lu ikôngough gbilin la; man né gema né lu ken tar u mbaihomov enev la; nahan tar ua mem, á kpe u iyol sha ayange a memen a u.

Mika 5:11

shi Me tim agar a ken tar wou, man Me yôhôl ajiir a taver a ou cii;

Mika 6:13

Nahan yô, Mo kpaa M tsaha u sha uange; M gema u u hingir ice sha ci u asorabo a ou.

Duteronomi 28:33

Iyiagh ki sule wou man tom wou u ican cii, ikurior igen i u fe i ga, ia ya; kpa we yô, á gbaa kighir we eren we ican gbem tsô;

Duteronomi 28:43

Shiror u nan lu a we, nana hemba u, nana yemen hemen hemen; kpa we yô, ú hiden a hide ijime.

Duteronomi 29:23

er inya i tar la cii kpaa i hingir sulfur man bar sha mnande u i nande u la, i kera lee kwagh sha i ga, man i mende iyiagh kpaa ga, ma kwagh môm kpaa kera mende sha i ga, er mtim u Sodom man Gomora man Adema man Seboim nahan, mba TER tim ve sha ishima i vihin Na man iyugh Na,