Yesaia 1:6 - ICIGHAN BIBILO

⁶ Hii shin akevangahar zan zan ar sha ityo je, ijiir i dedoo ngi ga, saa agbir man atange, man avav a kô, i kam a ga, ikange a kpaa ga, i leghem a sha mkure kpaa ga.

Yesaia 1:6 Iomraidhean Croise

2 Samuel 14:25

Ken Iserael cii ma or kuma iwuese er Abesalom nahan ga, sha kwagh u mdooashe na; hii shin akevangahar na je zan zan due sha ityough nagh a lu a ihogholough iyol ga.

Yobu 5:18

Gadia Un yô, ka A na mnyoonom, shi A sôr kpaa; ka A na iyolvihin, shi ave Na a gema a wanger i.

Upasalmi 77:2

Sha iyange i ican tserem la, m ker Aôndo, m naregh uwegh tugh, m shil ku ga, ishima yam kpaa rumun er i̱ sur i ga.

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Yeremia 30:12

Gadia TER ngu kaan nahan er: Iyolvihin you, i vihi kpen kpen, man avav a ou kpaa ka a nyoon tsung je.

Yeremia 30:15

Ka nyi man u vaa sha ci u mvihi u i vihi u iyol, er mnyoonom ou ma been ga nahana? Sha ci u ifer you vese, asorabo a ou kpaa ngee ngun ve M er u akaa ne nahan ye.

Yeremia 33:6

Nenge, Me va un a mkpeyol man mwar, Me bee ve angev; Me pase ve mngee u bem u been ga.

Yeremia 6:14

Mba nenge pe been ior Av angev sha sha tseegh, mba kaan er: Bem, bem; kpa bem ngu ga.

Yeremia 6:7

Er ijôr i dugh mngerem nahan, kape un kpaa a dugh aferakaa na la; mba ungwan ipila man mkighir ker a na; angev kua avav nga sha ishigh Yagh gbem.

Nahum 3:19

Mvihi u i vihi u la gande u sôron; ivav you ka i den ga; mba ve ongo ahura u kwagh wou cii, mba kuren ave sha mi; gadia ka an je ifer you i ve sha a nan ga?

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 9:12

Man er Yesu ungwa nahan yô, A kaa er: Ka mbadedoo kwagh a gbe ve a ortwer ga, saa mba angev mbu ker ve la tseegh.

Luka 10:34

Tsô a za hen na, a kange un avav, a haa mkurem man wain sha mi, a tôô un a penda sha jaki na, a va a na hen iyou i mbavannya la, a koso un dedoo.