Yesaia 1:4 - ICIGHAN BIBILO

⁴ Kwagh á tser ne! Ne ikurior i eren kwaghbo, Ne ior mba ne lu a iferkwagh i yuhwan ne, ne tsombor u mbaaferev, ne ônov mba eren dang! Ve undu TER, ve laha Icighan u Iserael, ve pav a Na, ve hile ijime.

Yesaia 1:4 Iomraidhean Croise

Genese 13:13

Kpa ior i Sodom yô, lu aferaior, lu eren akaabo kpishi sha ishigh ki TER.

2 Utor 21:22

A undu TER, Aôndo u uter Nav, a lu zan sha gbenda u TER ga.

2 Kroniku 12:1

Tsô zum u tor u Rehobiam taver man a lu a agee kpaa yô, a gema a undu atindiakaa a TER, un kua Iserael cii.

2 Kroniku 27:2

A eren kwagh u dedoo sha ishigh ki TER, er ter na Ushia lu eren nahan cii; kpa a nyôr ken tempel u TER ga. Kpa ior yô, ve lu eren kwaghbo heregh.

Nehemia 1:7

Se er U kwagh u vihin kpishi, atindi man akaawan kua ajiraôron, a U we wanakiriki Wou Mose la, se wa a iko ga.

Upasalmi 58:3

Mbaaferev due paleghaa ken uya je, er i mar ve je, tsô ve hii u tsumen sha aie u eren.

Upasalmi 71:22

Nahan mo kpaa me wuese We sha adiguve, ka mimi Wou je la, Aôndo wam. Me wa U atsam a wuese sha adiguve u vesen, We, Icighan u Iserael.

Upasalmi 78:40

Kpash! Ve hendan a Na ken desereti, acin imôngo je, ve vihi Un ishima ken toho;

Upasalmi 78:41

ve shi ve mee Aôndo, ve bam Icighan u Iserael.

Upasalmi 78:57

kpa ve hide ijime, ve er sha icugh, er uter vev nahan, ve hure er ada u bo nahan.

Upasalmi 78:8

ve̱ de kera luun er uter vev ga, kov u taver ityough u henda kwagh, kov u tilen a ishima i u vough ga, u ishima i u i lu jighilii a Aôndo ga la.

Upasalmi 89:18

Gadia perutya wase ka u TER je; tor wase kpaa ka Icighan u Iserael la.

Ekesodu 32:7

Tsô TER ôr kwagh a Mose, kaa er: Mough, hungwa, gadia ior ou mba u dugh a ve ken tar u Igipiti la, ve hôngor ayol a ve ve,

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 1:28

Kpa mtim u mbaperenatindi kua u mbaasorabo una va shighe môm, man mba ve undu TER kpaa, á tim ve kera.

Yesaia 10:6

Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 14:20

Á zua u a ve shin uwar imôngo ga, gadia u tim tar wou, u wua ior ou. Á kera ter iti i tsombor u mbaaferev sha won ga.

Yesaia 29:19

Mbaasemaleghlegh kpaa vea seer iember ve ken TER, man mbaatsanev ken ior kpaa vea ember ken Icighan u Iserael.

Yesaia 3:8

Gadia Yerusalem nôngo gbev, Yuda kpaa gba; gadia nombor ve kua aeren a ve nga ihom a TER, sha u bamen ashe a Na a icivirigh.

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 30:15

Gadia Ter AÔNDO, Icighan u Iserael kaa nahan er: Ka sha u hiden shi memen man né war ye, ka sha mtem u bem bem man jighjigh u nan, agee a en aa lu ye.

Yesaia 30:9

Gadia ka ior i hendan kwagh je, ônov mba aiev, ônov mba ve rumun u ungwan ityesen i TER ga yô;

Yesaia 31:2

Nahan kpaa Wen kpaa ka u fan kwagh je, Una va a kwaghvihin, Una hide a kwaghôron Na ijime ga; Una mough num a ya u mbaerenafer kua a iwasen i mba ve eren iferkwagh la kpaa.

Yesaia 37:23

Ka an je u laha nan, man u toho nan kpaa? Man ka an je u hagher sha nan sha kwaghôrono, u kenden ashe sha sha ihagher kpaa? Ka sha Icighan u Iserael je.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yesaia 41:20

sha u ve̱ nenge, ve̱ fa, ve̱ hen sha mi, ve̱ kar imôngo cii er i lu uwegh ku TER ku er nahan yô, ka Icighan u Iserael A gbe akaa ne ye.

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 57:17

Ka sha ci u ifer i hua na, M yuwe, M gbidye un, M yer ishigh Yagh kera sha ishima i vihin ye; nahan kpaa a hulugh a gba zan gbenda u sha ishima na tsô.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yesaia 65:11

Kpa ne mba ne undu TER, ne hungul icighanwo Wam, ne ser tebul sha ci u Gadi (akombo a doon ikôr la) man ne toon wain u nungwan sha ci u Meni (akombo a vihin ikôr la) yô,

Yesaia 65:3

ior mba ve bamen Mo sha ishigh Yagh je, ve ne nagh ken ishule man ve nanden kwaghhumandoon sha akam la,

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 15:6

We, u tem kera, kape TER A kaa ne, u hide ijime je; ka sha ci u nahan, M naregh uwegh Agh sha a we, M tim u kera ye; M vôr a afanyô a vaan.

Yeremia 2:13

Gadia ior Av ve er aferakaa ahar: ve tam kera, Mo u M lu imbor i mngerem ma umam ne, ve gema ve time ahungwa a ombon mngerem shimi shin avande, ahungwa a ombon mngerem shimi a paven ikwe, a a fetyô u lun a mngerem shin mi ga yô.

Yeremia 2:17

Kera ka we man u ne iyol you kwagh ne, sha ci u u undu TER, Aôndo wou, zum u A hemen we sha gbenda la, gaa?

Yeremia 2:19

Iferkwagh you ia tsaha u, man mhirjime wou una yange u; fa man nenge, er ka kwagh u bo man u yuwan er u undu TER, Aôndo wou, man er mcie u cian Mo la, a kera lu ker a we ga yô, kape Ter A kaa ne, TER u akum a Sha.

Yeremia 2:31

We, ikov ne, ungwa nen kwaghôron u TER. M hingir Iserael taaikôngo je vee? Shin tar u angôghimee? Ka nyi man ior Av ve kaan er: Se mba zenden sha ishima yase se kera va her a We ga nahana?

Yeremia 2:33

U fa u sôron gbenda wou sha u keren dooshima zee! Ka nahan man igbenda you i hool we sha aferakaa ye.

Yeremia 2:5

TER ngu kaan nahan er: Ka nyi mban u mimi uter enev ve zough a mi ken a Mo, je u ve gba ca a Mo, ve dondo kwagh u gbilinigh ityô, man ve hingir gbilin nahana?

Yeremia 32:32

sha ci u iferkwagh i Mbaiserael kua i Mbayuda cii, i ve er sha ci u bamen Mo, ve man utor vev, man atiator a ve, man upristi vev man uprofeti vev, man ior mba Yuda, kua mba ve tem ken Yerusalem.

Yeremia 50:29

Yila mbakerenavaan, ve̱ kohol imôngo, ve̱ ta num sha Babilon, mba ve hende mbaada cii; haa nen afo kase nen un tser; ma or u keregh nana̱ de waren ga; or un iyev sha ieren na; er a er nahan, shi er di nen a na nahan vough; gadia a cihi TER, Icighan u Iserael.

Yeremia 51:5

Gadia Aôndo, TER u akum a Sha ta Iserael man Yuda kera ga, shin er tar ve u mgbough a ibo hen Icighan u Iserael nahan kpaa.

Yeremia 7:19

Ka Mo je ve bamem yee? Kape TER A kaa ne. Mba kera eren a er ican ayol a ve geman van a kunya sha ishiv vev gaa?

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Esekiel 14:5

sha u Me kôr asema a ya u Iserael, gadia ve cii ve pav a Mo sha akombo a ve la.

Esekiel 16:33

Mba ne uidyambakasev cii iwua, kpa we yô, u gema u ne mbadoon we ishima cii iwua, u ulugh ve sha i, sha u ve̱ va her a we hanma ian sha ci u idya you.

Esekiel 16:45

U ngu wankwase u ngôu je, u a nyagh nom na man ônov nav; man u ngu anngô u kwase, u anngôôv ou mba kasev, mba ve nyagh noov vev man ônov vev; ngôu lu kwase u Hiti man teru lu Oramor.

Daniel 9:11

Iserael cii per atindi a Ou, ve kaha, ve kera wa imo You iko ga; ka nahan man i we se ifan, man mbum u i nger ken atindiakaa a Mose, ortom u Aôndo la, a ker se kpaa ye; gadia se er Un isholibo.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Numeri 32:14

Nenge, ne mough sha ityough ki uter enev, ne tsombor u eren kwaghbo ne, sha u né seer ishimavihin i TER a Iserael i tsung la, i̱ za a za hemen yô.

Mateu 11:28

Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Mateu 23:33

Ne iyô, ne ônov mba igbindev! Né er nan man né war ibo i nan i ken gehena la?

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

1 Mbakorinte 10:22

Shin se mba bamen Ter ser, A̱ er iwuhee? Shin se hemba Un agee ase?

Duteronomi 29:25

Nahan ior vea kaa er: Ka sha ci u ve undu ikuryan i TER, Aôndo u uter vev yô, i A ya a ve, zum u A due a ve ken tar u Igipiti la;

Duteronomi 31:16

Tsô TER kaa a Mose er: Nenge, yaven you a uter ou imôngo; ior mban vea mough vea er idya sha u dondon mbaaôndo mba hev mba hen tar u ve lu zan sha u vea za tema ken u la, vea gbihim kera vea vihi ikuryan Yam i M ye a ve ne.

Duteronomi 32:19

TER nenge, nahan ishima ndôhôr Un a ve, sha ci u ishima vihi Un a ônov Nav mba nomso man mba kasev.

Duteronomi 32:5

Ve er a Na dang, ve kera mba ônov Nav ga, mba a acôghol iyol; ka kov u bo u lun kpe.

Mbakolose 1:24

Hegen yô, m ngu ken atsan a m lu yan sha ci wen man m ngu ivin kwagh u a shi sha atsan a Kristu la ken iyol yam, ka sha ci u iyol Na, ka nongo Na je la.

Mpase U Yohane 18:5

Gadia asorabo a na hingir tihi tav je ar Sha, Aôndo kpaa umbur afer a na.

Mbaajiriv 10:10

Mbaiserael vaa a TER, ve kaa er: Se er U isholibo, sha er se undu Aôndo wase se gem se civir Ubaal yô.