Yesaia 1:30 - ICIGHAN BIBILO

³⁰ Gadia nea hingir er kon u terebin u ikya na i use yô, man er sule u ikon u mngerem ma lu ker yô.

Yesaia 1:30 Iomraidhean Croise

Genese 12:6

Tsô Aberam gba zenden ken tar la zan zan za ar hen tembe u Shekem, hen kon u terebin u More. Sha ayange la Mbakanaan lu ken tar la.

Yesaia 5:6

Me vihi u kera, á kera sôr u agbaa ga, á vughul u kpaa ga; kpa ua mende usaa kua sagher; Me ta abeen icin, á kera nôô ura sha u ga.

Yesaia 58:11

TER kpaa Una hemen we gbenda gbem zan zan je, Una na uma wou una ide ken ajiir a ombor, Una taver akuhe ou; nahan wea hingir er ka sule u i ur u mngerem yô, man er ka imbor i i om mngerem mayange ga yô.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Yesaia 64:6

Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

Yeremia 31:12

Vea va man vea wa atsam sha igungu u Shion, vea sen gudu gudu hen mdoom ma TER, hen alakema man zar u wain, man hen mkurem, man hen agum a iyôngo man a ibua; uma ve una hingir er sule u i urun u mngerem yô, vea kera shi lu gbuu mayange je ga.

Esekiel 17:24

Nahan ikon i ken toho cii ia fa er ka Mo TER M hidi a kon u taven la ijime, man M kende a kon u tav ga la sha, M er kon u ndor, u uma kera, man M er kon u ombor u hôm; ka Mo TER M kaa kwagh ne ye, shi Me er un kpaa.

Mateu 21:19

Nengen a itine i tur sha kpegbenda yô, A za hen i kpa A zua a ma ityamegh sha mi ga saa ika tseegh; A kaa a i er: Mayange ú kera ume atam sha won ga. Tsô kon la maa uma gyoghokoko.