Yesaia 1:29 - ICIGHAN BIBILO

²⁹ Gadia kunya ua kôr ne a ikon i terebin i i sar ne la, nea va ahenge kpaa, sha ci u ishule i ikon i ne tsough i la.

Yesaia 1:29 Iomraidhean Croise

Yesaia 30:22

Nea hôngor ieev you mbi gban a gba mbi i cir mbi azurfa iyol la, man ieev you mbi haan a haa mbi i cir mbi zenaria iyol la; wea haa mbi kera er kwagh u hôngorough nahan; wea kaa a mbi wer: Kar heen kera.

Yesaia 31:7

Gadia sha iyange la, hanma or nana ta ieev mbi nan mbi sha azurfa kera, kua ieev mbi nan mbi sha zenaria, mbi ave a en a er i hingir ne kwaghbo la.

Yesaia 42:17

Vea hide ijime, vea va ahenge tsung, ve mba ve suur sha ieev mbi gban a gba, mba ve kaan a ieev mbi keren a ker er: Ka ne, ne lu mbaaôndo asev la.

Yesaia 45:16

Kunya kôr ve, ve cii ve va ahenge; ve yem a iheen iyol imôngo, ve mba ve gbe eev la.

Yesaia 57:5

Ne mba asaren a iyolough a mgbegh ne hen ikon i terebin, shin itine i hanma kon u ndor yô; ne mba ne woo mbayev shin pev, shin ikwe i avande kpaa.

Yesaia 65:3

ior mba ve bamen Mo sha ishigh Yagh je, ve ne nagh ken ishule man ve nanden kwaghhumandoon sha akam la,

Yesaia 66:17

Ve mba ve tsegh ayol a ve man ve wanger ayol a ve, ve dondo sha ugen u a lu ve her atô la sha u vea nyôr ken ishule yô, mba ve ye inyamigo man kwagh u hôngorough man ihyev la, vea saa nongo, kape TER A kaa la.

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 3:6

Man shi TER kaa a mo sha ayange a tor Yoshia la er: U nenge kwagh u Iserael u a undu mimi na la a er kpa? A unde sha hanma gôgôwo man a nyôr shin hanma tinekon i lun a mure, a er idya heregh.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 36:31

Sha shighe la né umbur igbenda yen i bo, man aeren a en a a doo ga la; nahan kwagh wen una ndôhôr ne ishima, sha ci u afer a en, man akaa a en a ndôhôrshima la.

Esekiel 6:13

Man nea fa er Mo M lu TER ye, zum u mba i woo ve la, vea haa inya ken atô u akombo a ve hen atse a ve a nan nagh sha mi, á ningir á tser la, sha hanma igungu u taven man sha ityouv mbi iwoov cii, man shin hanma tinekon u ndor kpaa, man shin hanma itine i terebin u ngeen ika, hen ijiir i ve ne akombo a ve cii nagh ku dedoo la.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Hosea 4:13

Mba ne nagh sha ityouv mbi iwoov, mba nanden kwaghhumandoon sha agungu, shin atine a ouki man upopler man uterebin sha ci u mure ve a doo yô; ka sha ci u nahan ônov enev mba kasev ve eren ijimba man kasev mba ônov enev kpaa ve eren idya ye.

Hosea 4:19

Ahumbe hure ve ken akper a a; vea va ahenge sha ci u iniav vev mbila.

Mbaromanu 6:21

Shighe la lu nyi injar ne zua a mini? Lu akaa a kunya u ker ne sha mi hegen ne. Man mkur u akaa angara yô, ka ku je.