Yesaia 1:25 - ICIGHAN BIBILO

²⁵ Me kende uwegh Agh sha a we, Me wanger atsaase a ou kera er sha mtse nahan, me dugh iyôgh you ki mimi ga la kera cii;

Yesaia 1:25 Iomraidhean Croise

Upasalmi 119:119

U kough mbaaferev shin tar kera ca ca, er ka hugh nahan, ka nahan man mbampase Ou ve doom ishima ye.

Yesaia 1:22

Azurfa wou iyôgh ki mimi ga nungwa sha mi; wain wou kpaa i nungwa mngerem sha mi.

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yeremia 6:29

Akpaaiwaagh nga tan ahumbe sha agee; inyelegh hia ken usu; ka gbilin tsô ve ser ye, gadia i kar a mbaaferev kera ga.

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Yeremia 9:7

Nahan yô, TER u akum a Sha ngu kaan nahan er: Nenge, Me sough ve, Me kar ve; gadia Me er nana ase, sha ci u wankwase u ior Ava?

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Esekiel 22:19

Nahan yô, Ter AÔNDO ngu kaan nahan er: Sha ci u ne hingir atsaase cii yô, nahan nenge, Me kohol ne ken atô u Yerusalem.

Esekiel 22:20

Er ka i kohol azurfa man togula man iyôgh ki iligh man inyelegh man kwaza ken atô u adum sha u á suwe usu u̱ sough mbi yô, kape Mo kpaa Me kohol ne ken ishimavihin Yam man iyugh Yam la, Me haa ne ker, man Me sough ne.

Esekiel 22:22

Er ka i sough azurfa ken atô u adum nahan, kape á sough ne ker atô u u la, man nea fa er i lu Mo TER M hee ne iyugh Yam yô.

Sefania 3:11

Sha iyange la ú kera va ahenge sha ci u aeren a ou, a u erem kwaghbo sha mi la ga; gadia hen shighe la Me kar a mbagengeseyol ken a we kera cii, man mayange ú kera seer tesen imanger you sha icighanwo Wam ga.

Malaki 3:3

Una tema er orsoughon man orsôron azurfa sha u a̱ hingir wang yô, Una wanger ônov mba Levi, Una wanger ve wang er zenaria man azurfa nahan; nahan vea na TER nagh sha perapera.

Mateu 3:12

tser ngu sha uwegh Nagh, Una ese vande Na tsembelee, Una kohol uwua Na, una za ombo sha una, kpa akoo yô, Una nande sha usu u pirin mayange ga.

Duteronomi 32:43

Ember nen, ne akuraior, a ior Nav imôngo; gadia Una or iyev sha awambe a mbayev Nav, Una or iyev sha mbaahendanev, Una na iwom sha ci u tar Na man ior Nav.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.