Yesaia 1:23 - ICIGHAN BIBILO

²³ Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 1:23 Iomraidhean Croise

2 Kroniku 36:14

Upristi mba vesen cii kua ior kpaa, ve per atindi kpishi sha akaahôngorough a atôatyev la cii; ve hôngor a iyou i TER, i A tsegha ken Yerusalem la.

Ekesodu 23:8

Man shi de ngohol inyaregh ki yamen ishô a mi la ga; gadia inyaregh ki yamen ishô a mi la, ki pirin mba ve nenge la ashe, shi ki nzughul mbaperapera ijir kpaa.

Anzaakaa 17:23

Iferor yô, ka nan ngohol inyaregh ki yamen ishô ken myer, sha u nana za vihi igbenda i ijirigh yô.

Anzaakaa 29:24

Hanma or u nan nyer nongo a ormbaiv yô, ka uma u nan je nan ker un ihom ye, ka nan ungwa mbum, kpa nan bugh zwa ga.

Yesaia 1:17

hen nen u eren kwagh u dedoo; ker nen kwagh u jighilii, yange nen ipilaor; er nen a ancôgholov dedoo, ôr nen ijir i kwasecôghol, wase nan.

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yesaia 1:22

Azurfa wou iyôgh ki mimi ga nungwa sha mi; wain wou kpaa i nungwa mngerem sha mi.

Yesaia 28:14

Nahan yô, ungwa nen kwaghôron u TER, ne mbanahantar mban, ne mba ne hemen ior mba ken Yerusalem!

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Yeremia 32:32

sha ci u iferkwagh i Mbaiserael kua i Mbayuda cii, i ve er sha ci u bamen Mo, ve man utor vev, man atiator a ve, man upristi vev man uprofeti vev, man ior mba Yuda, kua mba ve tem ken Yerusalem.

Yeremia 4:17

er mbakuransule nahan, kape ve kase un ve tser la, sha ci u a hendan kwagh a Mo yô, kape TER A kaa ne.

Yeremia 5:5

yô, me za hen mbavesen, me za ôr kwagh a ve, gadia ve fa gbenda u TER, man tindi u Aôndo ve. Kpa ve cii imôngo ve kever igbur, ve tôndo ikangenev kera.

Yeremia 5:6

Ka nahan man begha u ken ikô una wua ve, icile i ken taaikôngo ia tim ve kera, anyam una kegh hen agar a ve, hanma or u nana due ker, á ande nan, gadia afer a ve ngee, man mhirjime ve kpaa vese.

Esekiel 12:2

Wan u or, u ngu teman ken atô u ior mba hendan kwagh, mba ve lu a ashe a nengen, kpa ve nengen ga yô, man ve lu a ato a ungwan, kpa ve ongo ga yô; gadia ka ior mba hendan kwagh je.

Esekiel 22:27

Mbatarev nav ken a na mba er ugbaseela mba anden inyam i ve ker yô, sha u haan awambe, man u timin uuma mba iorov, sha u vea zua a mtsera u sha mimi ga yô.

Hosea 4:18

Zum u ka vea ma msôrom kera yô, ve gba eren idya; mbatarev vev kpaa kunya doo ve ishima tsung.

Hosea 5:10

Mbatarev mba Yuda mba er mba ve kper a ikav i ipaventar yô; Me haa iyugh Yam sha a ve er mngerem nahan.

Hosea 9:15

Iferkwagh ve cii ngi ken Gilgal; ka keela M ker ve ihom ye; sha ci u iferkwagh i aeren a ve la Me zenda ve ken iyou Yam kera; vea kera doom ishima ga; mbatarev vev cii ka mbaahendanev je.

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 3:9

Shi ungwa nen kwagh ne, ne mbahemenev mba hen ya u Yakob man mbatarev mba hen ya u Iserael, ne mba ijirôron i mimi i ndôhôr ne ishima, man ne gem ne vihin hanma kwagh u a lu jighilii,

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Sekaria 7:10

de kera kighir nen kwasecôghol a ican ga, man wancôghol man shiror shin icanor kpaa ga; hanmô wen nana de kera henen iferkwagh ken ishima i nan sha anngô u nan ga.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Numeri 22:7

Tsô mbavesen mba Moabi man mbavesen mba Midian, ve za a injar i ahir a ve, ve va hen Balaam ve va ôr un kwagh u Balaki la.

Mateu 21:13

A kaa a ve er: I nger er: Á yila iyou Yam er iyou i msen; kpa ne yô, ne gema a mi, hingir bar u mbanumunior.

Marku 11:17

A gba tesen kaan a ve er: I kera nger er: Á yila iyou Yam er iyou i msen sha ci u akuraior cii gaa? Kpa ne yô, ne gema a mi, hingir bar u mbanumunior.

Luka 19:46

kaan a ve er: I nger er: Iyou Yam ka iyou i msen, kpa ne yô, ne gema a mi hingir bar u mbanumunior.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

Duteronomi 16:19

De geman ijir ga; shi de hembe wan orgen iko a orgen ga, man shi de ngohol iwua ga; gadia iwua i cirin mbafankwagh ashe, shi i gem akaaôron a mba ve lu a ibo ga la.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.