Yesaia 1:21 - ICIGHAN BIBILO

²¹ Er nan man gar u mimi a hingir idyakwase nahana, wen u a mgbough a mimi la! Perapera yan lu ker a na, kpa hegen yô, mase kan mbawuanior tseegh ve lu ker ye.

Yesaia 1:21 Iomraidhean Croise

2 Samuel 8:15

Davidi tema tor sha Iserael cii; Davidi ôron ior nav cii ijir sha mimi.

2 Kroniku 19:9

Man shi a wa ve kwagh, a kaa er: Er nen kwagh nahan sha mcie u cian TER la, sha ishima i veren man sha ishima i môm.

Nehemia 11:1

Atiator a ior tema ken Yerusalem; ior mbagenev yô, ve er ishor sha u tsuwan or môm ken mbapuev er nana̱ va tema ken Yerusalem, icighangar la, mba utaankarunyiin yô, ve̱ tema ken agar agen.

Upasalmi 46:4

Ifi ngu, u ukungômbamngerev nav ve ne gar u Aôndo a ember yô, ka icighanjiir u Uhembansha je la.

Upasalmi 48:1

TER hemba, A kuma iwuese kpishi je, ken gar u Aôndo wase, sha icighanwo Na!

Upasalmi 48:8

Er se ungwa yô, kape se nenge kpaa la, ken gar u TER u akum a Sha, ken gar u Aôndo wase; Aôndo Una ver un una lu gbem. Sela.

Yesaia 1:22

Azurfa wou iyôgh ki mimi ga nungwa sha mi; wain wou kpaa i nungwa mngerem sha mi.

Yesaia 26:10

Ka a zungwe iferor mhôônom kpaa, nan hen u eren perapera ga, nan eren iferkwagh ken tar u mimi je, nan nengen a icivir i TER i hemban la ga.

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yesaia 59:14

Ijirôron i mimi kpaa, i daa i kera, i hide ijime, perapera kpaa tile ca; gadia mimi nôngo gbev gba hen tembejirigh, man perapera kpaa kera zua a gbenda u nyôron ga.

Yesaia 59:15

Een, mimi ngu ga; or u nan kem iyol sha ifer yô, mba ngohol nan akaa sha apera. Tsô TER nenge, vihi Un er kwagh u jighilii a lu ga yô,

Yesaia 59:3

Gadia ave a en hôngor sha awambe, man ahôaveegh a en kpaa sha iferkwagh; ityumbuzwaagh yen kpaa er aie, nombor wen kpaa ngu er kwagh sha icugh.

Yeremia 3:1

A kaa er: Aluer or nan pav a kwase u nan, man a due her a nan a za hingir u orgen, nahan shi nana hide hen kwase laa? Nahan tar la ua kera hôngor tsung je gaa? Man we yô, u er idya a ior kpishi mba u doo ve la, nahan kpaa u ngu fan wer, ú shi ú hide her a Moo? Kape TER A kaa ne.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Hosea 2:5

Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Habaku 1:4

Nahan yô, tindi kera ngu a agee ga, man ijirôron sha mimi kera due ken igbar ga; gadia mbaaferev kase mbaperapera tser, ka nahan man ijirôron i dugh mcinga ye.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Luka 13:34

Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;

Mbaheberu 12:22

Kpa ne mgbôghom a uwo u Shion man hen gar u Aôndo u uma, ka Yerusalem u Sha je la man ikpela i mbatyomov mba Shaav ngee gande u ôron, mba ve lu eren iniongo,

Mpase U Yohane 11:2

Kpa tembe u ken kungur u tempel la yô, gba den u tsô, u̱ lu ken won, de karen u ga, gadia i na u sha ikev i akuraior, aa ndyar icighangar shin angahar á kuma iwer akunduahar kar ihiar.

Mpase U Yohane 11:8

Akom a ve aa lu sha gbenda ken zegegar u i yer un sha inja i jijingi er Sodom man Igipiti her ape Ter ve kpaa, i mande Un sha terankon la.

Mpase U Yohane 17:1

Nahan u môm ken mbatyomov mba Shaav mba utaankaruhar mba ve lu a agbande la va va ôr kwagh a mo, kaa er: Va heen, m̱ tese u ijirôron i zegeidyakwase u a tem sha mngerem ma kpishim la.