Yesaia 1:2 - ICIGHAN BIBILO

² Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 1:2 Iomraidhean Croise

2 Utor 21:22

A undu TER, Aôndo u uter Nav, a lu zan sha gbenda u TER ga.

Upasalmi 49:1

Ungwa nen kwagh ne, ne akuraior cii! Ver nen ato, ne mba ne lu sha won cii,

Upasalmi 50:4

Ngu yilan Usha, shaala, kua tar kpaa, sha er Una ôr ior Nav ijiir yô:

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 30:9

Gadia ka ior i hendan kwagh je, ônov mba aiev, ônov mba ve rumun u ungwan ityesen i TER ga yô;

Yesaia 31:6

Gema nen hile nen her a Na, Un u ne undu Un la, ne ônov mba Iserael.

Yesaia 34:1

Kporom nen akuraior sha u ne ungwa, ver nen ato ne ior; tar u̱ ungwa, kua m-iv u u, tar sha won cii kua akaa a a dugh sha mi cii.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Yeremia 13:15

Ungwa nen, ver nen ato; de moron nen iyol ga, gadia TER ôr kwagh.

Yeremia 22:29

We tar, tara, tara, ungwa ase imo i TER.

Yeremia 3:22

Hide nen, ne ônov mba ne undu mimi la, Mo Me wanger m-undu u mimi wen la. Nenge, se mban, se mba van her a We; gadia ka We u lu TER, Aôndo wase ye.

Yeremia 31:9

Vea va a mliam ashe je, man ka sha mzamber Me hide a ve ye. Me va a ve hen ukungômbamngerev, sha gbenda u nôô, henpe vea ta nguhar kera ga yô; gadia Mo M ngu Iserael ter je, man Eferaim ka wan Wam.

Yeremia 6:19

Ungwa, we tar, nenge, M ngu van a kwaghbo sha ior mban, ka atam a mbamhen vev je la; gadia ve ver ato sha akaaôron a Am ga, tindi wam kpaa, ve venda un.

Esekiel 24:3

Pase injakwagh sha ya u hendan ne, kaa a ve wer: Ter AÔNDO ngu kaan nahan er: Penda nen ityegh, penda nen ki, yô, shi haa nen mngerem shimi;

Esekiel 36:4

nahan ne iwo i Iserael, ungwa nen kwaghôron u Ter AÔNDO. Ter AÔNDO ngu kaan a iwo man a agungu man iwagh man apev, man atihi a alôgh, man agar a i undu a, a a hingir ishar man kwagh u aheenegh hen akuraior a a shi her a kase ve la,

Amoshi 3:1

Ungwa nen kwaghôron u TER A er sha a ven ne, ne Mbaiserael, sha tsombor u M dugh a u ken tar u Igipiti la cii, er:

Mika 1:1

Kwaghôron u TER u a va hen Mika Ormoresheti sha ayange a Yotam man Ahashi man Hesekia, utor mba Yuda, u a nenge sha kwagh u Samaria man Yerusalem yô.

Mika 1:2

Ungwa nen, ne ior cii; ver ato, we tar man akaa a a lu ken u cii; Ter AÔNDO A̱ lu shiada u hendan a ven, Ter ken icighantempel Na je.

Mika 3:8

Kpa Mo yô, m iv a agee, sha Jijingi u TER kua mimi man tahav kpaa, sha u pasen Yakob atindi a peren a na man Iserael kpaa isholibo na ye.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Aerenakaa A Mbaapostoli 4:20

Gadia se yô, se fatyô u den u ôron kwagh u se ongo man se nenge ne ga.

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

Duteronomi 30:19

M yila Sha man tar, ve̱ lu shiada sha a ven nyian, er m ver uma man ku sha ishigh you, man shi iveren man ifan; yô, tsuwa uma sha er ú lu uma, we a tsombor wou;

Duteronomi 32:1

Ver nen ato ne Usha, me ôr kwagh; tar u̱ ungwa akaaôron a zwa wam.

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.