Yesaia 1:15 - ICIGHAN BIBILO

¹⁵ Zum u ka nea naregh ave a en yô, M gema M yer ne ishigh Yagh kera; zum u ne seer a seer eren mbamsen kpishi kpaa, M ver ato ga; ave a en iv a awambe.

Yesaia 1:15 Iomraidhean Croise

1 Utor 8:22

Tsô Solomon kar za tile sha ishigh ki atse a TER a nanden nagh sha mi, sha ishigh ki mkohol u Iserael cii, a naregh ave Sha,

1 Utor 8:54

Er Solomon kure msen ne kua zamber ne a TER cii yô, a mough sha ishigh ki atse a TER a nanden nagh sha mi, henpe a gure a naregh ave Sha la.

Esera 9:5

Sha shighe u nagh ku aikighe la yô, m mough a iheen yam, a ikondo yam i anden kua riga wam kpaa, m gure anu inya, m naregh ave sha TER, Aôndo wam;

Yobu 27:20

Mciem ma haa nan iyol er ikuwanmnger nahan; uraahumbe va kuwa a nan tugh.

Yobu 35:13

Mimi je, Aôndo Una ungwa gbilinkwagh ga; Uhembanagee Una wa iko sha mi kpaa ga.

Upasalmi 134:2

Kende nen ave sha sha icighanjiir, wuese nen TER.

Upasalmi 55:1

Ver ato sha msen wam, Aôndo, de yeren iyol You sha zamber wam ga.

Upasalmi 66:18

Mea ver ishima sha ma kwaghbo yô, Ter ma A ongo ga;

Ekesodu 9:29

Mose kaa a na er: Me due a due ken akôngo a gar tsô me kende ave am sha TER; mbamdor vea huan, awombo kpaa aa kera haa ga, sha er u̱ fa er tar u lu u TER yô.

Anzaakaa 1:28

zum la vea yilam, kpa me bugh zwa ga, vea kerem sha gbashima je, kpa vea zua a mo ga.

Anzaakaa 6:17

Ashe a sha imanger, man nombor u aiegh, ave a haan awambe a or u lun a ibo ga,

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yesaia 45:15

Mimi je, U ngu Aôndo u U yer iyol You, Aôndo u Iserael, Oryiman.

Yesaia 58:4

Nenge, ne mba her kwaghyan sha ci u num u nôngon man zwazôhôn, man sha ci u tan iju sha dang, ne mba kera her kwaghyan hegen sha u á ungwa imo yen Sha ga.

Yesaia 58:7

Shi ka u karen mbagenev kwaghyan wou, man u van a mbaatsanev mba ve lu a ape suur ga hen ya wou gaa?

Yesaia 64:7

Ma or u yilan sha iti You u nan torough iyol i nan er nana var a We, nan ngu ga; gadia U yer ishigh You, man U gbihi se se saa sha ikev i aferakaa ase.

Yesaia 8:17

Tsô me kegh TER u A yer ya u Yakob ishigh Nagh la, ka sha a Na ishimaverenkeghen yam i lu ye.

Yeremia 11:11

Nahan yô, TER ngu kaan nahan er: Nenge, Me va a kwaghbo sha a ve, u vea fatyô u waren un ga yô; tsô vea vaa a Mo, kpa Me ver ato hen a ve ga.

Yeremia 14:12

Vea hôron kwaghyan kpaa, Me ungwan mliam vem ga; man vea naan nagh ku nanden kua ku sha samuyia kpaa, Me rumun ve ga; Me tim ve sha sanker, man sha ijen, kua sha bouange kpaa.

Yeremia 4:31

Gadia m ungwa mliam er ka kwase u nan toghor mar yô, ican er i kwase u nan mar wan u nan u iunda la nahan, mliam ma wankwase u Shion; ngu shirin ishima, naregh ave, kaan er: Kwagh tserem ve! Uma wam vôr sha ishigh ki mbawuanior.

Esekiel 11:6

Ne wua ior ngee ken gar ne, ne iv igbenda na a mba i woo ve yô.

Esekiel 14:3

Wan u or, ior mban nyôr a akombo a ve ken asema a ve, man ve ver kwagh u nan gbev mbu nôngon u iferkwagh ve sha ishigh vegh je; nahan Me rumun Mer, ve̱ pinem kwagh je kpa?

Esekiel 39:23

Man akuraior aa fa er ya u Iserael a yem ken uikangen sha ci u ifer ve yô; ka sha ci u ve per atindi Am, man M yer ve ishigh Yagh M na ve sha ikev i mbaihomov vev, man ve cii i wua ve sha sanker ye.

Hosea 5:6

Vea za a akum a iyôngo a ve man a ibua ve sha u keren TER, kpa vea zua a Na ga; A kar hen a ve kera.

Mika 3:4

Zum la vea vaa a TER, kpa Una wa ve iko ga; Una yer ve ishigh Nagh hen shighe la, sha ci u aferakaa a ve er la.

Sekaria 7:13

Yô, er Un A yila man ve rumun u ungwan ga, nahan kape ve kpaa vea yila, kpa Me ungwa ga la, kape TER u akum a Sha A kaa ne;

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 6:7

Sha msen u eren la kpaa, de zeren nen kimbir gbilin gbilin er atôatyev a eren nahan la ga, gadia mba henen er ka sha kwaghôron ve yum la man á ungwa ve ye.

YOHANE 9:31

Se fa Aôndo ongo imo i mbaasorabo ga; kpa aluer hanma or nana civir Aôndo mimi man nana eren ishima Na kpaa yô, ka nan je A ongo nan ye.

1 Timoteu 2:8

Nahan yô, sarem pe nomso ve̱ eren msen sha hanma ijiir, ve̱ kenden ave a wang sha, i̱ de lu sha ishima i vihin ga, ayôôso kpaa ga.