Yesaia 1:11 - ICIGHAN BIBILO

¹¹ Ka nyi i gbem a iniav yenev mbi sôngon kpishi laa? kape TER A pin la. Iniav mbi nanden mbi sha anomaiyôngo, man ahôm a uicighanmbaabuav duem ishima; awambe a abua man a agumaiyôngo kua a ukpev kpaa, kera doom ga.

Yesaia 1:11 Iomraidhean Croise

Upasalmi 40:6

Nagh ku sôngon man nagh ku sha samuyia ka ma kwagh u doon We ishima ga; U bughum ato. Nagh ku nanden man ku isholibo yô, U kaa Wer, i̱ na ku kpee ga.

Upasalmi 50:8

Me zôhô a we sha ci u nagh ough ga; nagh ough ku nanden, ku sha ishigh Yagh gbem.

Upasalmi 51:16

Saan We ken ishima a nagh ku sôngon ga, gayô ma m ne ku; nagh ku nanden kpaa doo U ga.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 21:27

Nagh ku iferor ka kwagh u ndôhôrshima je, man hile aluer nana va a mi sha mhen u boo?

Anzaakaa 21:3

U eren perapera kua mimi, hemba doon TER a nagh ku nan.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Yeremia 7:21

TER u akum a Sha, Aôndo u Iserael ngu kaan nahan er: Gema iniav yenev mbi nanden, magh nen sha iniav yenev mbi sôngon, gba yan nen inyam kera tsô.

Hosea 6:6

Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Amoshi 4:5

Na nen nagh ku ishughun sha kwagh u i we kwa sha mi yô, yôô nen iniav mbi nan sha ishima i dedoo, samber a mi, gadia ka kwagh u a doo ne je la, ne Mbaiserael! Kape Ter AÔNDO A kaa ne.

Amoshi 5:21

M kôr uiniongo enev ihom, M laha ve, uicighanmbamkohol vev kpaa ve doom ishima ga.

Amoshi 5:22

Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

Mika 6:7

Á doo TER a anomaiyôngo udubuu? Shin uifi mba mkurev udubu puee? M̱ na waniunda wam sha ci u tindi wam u peren, tsombor wam sha ci u isholibo i uma wama?

Hagai 2:14

Nahan Hagai gema kaa er: Kape ior mban ve lu je ne, man kape ikurior ne i lu sha ishigh Yagh ne, kape TER A kaa ne; man kape hanma tom u aveegh ve kpaa u lu ne, kua kwagh u ve ne nagh a min la kpaa; ka u wang ga.

Sekaria 7:5

Ôr kwagh a ior mba hen tar ne cii man a upristi kpaa, kaa wer: Er ne lu hôron kwaghyan man zungwen sha uwer u sha utaan man u sha utaankaruhar la, anyom a akunduatargber ne cii, lu sha ci Wam je ne hôr kwaghyan ye he?

Malaki 1:10

Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Numeri 7:45

gumbua môm, nomiyôngo môm, gumiyôngo u a kom inyom i môm yô, sha ci u nagh ku nanden;

Mateu 22:4

A shi a tindi mbayev mbagenev, a kaa er: Za kaa nen mba i lehe ve mbala ner: Nenge, m yôr iwer cii, i sôngo abua man uicighan av; akaa cii kohol ve. Yô, yar nen iniongo i kwasehe.

Mateu 9:13

Kpa yem nen za hen nen inja i kwagh ne: Mo yô, ka mhôônom ma zungwen ma doom ye, ka nagh ku nan ga; gadia M va sha u Me yilan mbaperapera ga, kpa ka mbaasorabo.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.