Yakobu 5:9 - ICIGHAN BIBILO

⁹ Anmgbianev, de gbe nen ahon ayol a en ga sha u i̱ de ne ne ibo ga yô. Nenge, Orjir va, ngu tilen sha hunda.

Yakobu 5:9 Iomraidhean Croise

Genese 4:7

Aluer wea er sha mi yô, ma u saan ki sha gaa? Man aluer wea er sha mi ga yô, nenge, isholibo kegh sha hunda je; ka sha a we je isharen i i, i lu ye, kpa ka we man ú hemba i ye.

Upasalmi 59:15

ve hingir kera ke kera sha u zenden keren kwaghyan; aluer vea ide ga yô, ve tsa eren nahan.

Esekiel 7:12

Shighe va ve, iyange mgbôghom, or u yamen a̱ de ember ga, man or u teen kpaa a̱ de zungu ga, gadia iyugh ngi sha ikpelaior ve cii.

Levitiku 19:18

De oron iyev ga, shi de we ishima bough a ônov mba ior ou ga, kpa or u nan we ndor a we nana̱ doo u ishima er we iyol you nahan; ka Mo TER.

Mateu 24:33

Kape ne kpaa, shighe u né nenge akaa ne aa eren yô, fa nen ner, a mgbôghom ve, nangem sha hunda je.

Marku 13:29

Kape ne kpaa, zum u né nenge akaa ne aa eren yô, fa nen ner, a mgbôghom ve, a nangem sha hunda je.

Marku 6:19

Herodia iyol na kpaa hingir iyongo a na, lu un ka wuan un, kpa a fatyô ga,

1 Mbakorinte 10:11

Akaa ne er ve, lu akav a tesen man i nger a sha u a̱ lu se ityesen, se mba mkur u ashighe a ve sha a vese ne yô.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

2 Mbakorinte 9:7

Hanma or nana̱ na er nan we ken ishima i nan la nahan, i̱ de lu zunguluu ga, i̱ de lu sha apera kpaa ga, gadia ka or u nan ne kwagh sar sar la je nan doo Aôndo ishima ye.

Mbagalatia 5:14

Gadia atindi cii kure sha kwaghôron môm er: or u nan we ndor a we yô, nana̱ doo u ishima er we iyol you nahan.

Mbagalatia 5:26

Se̱ de kera tan ihagh sha ayol a ase ga, shi se̱ de vemben ayol a ase man se̱ de eren iwuhe ayol a ase kpaa ga.

Yakobu 4:11

Anmgbianev, de er nen kwagh dang sha ayol a en ga. U nan er kwagh dang sha anmgbian shin nan gbe nan anmgbian u nan ibo tsô yô, ka atindiakaa nan lu ôron sha mi dang ye, shi ka atindiakaa man nan gbe nan a ibo tsô kpaa ye. Aluer u ngu nan tindi ibo yô, u kera ngu or u eren sha tindi ga, kpa u hingir or u ôron tindi ijir.

Yakobu 4:12

Un u A we atindi, man shi Un u A lu Orjir ngu môm tsô, ka Un u A lu a tahav mbu yiman man shi tahav mbu timin kpaa ye. Kpa we yô, u ngu di nyi ve u gbe nan or u nan we ndor a we la ibo tsôô?

Yakobu 5:10

Uprofeti mba ve lu ôron kwagh ken iti i Ter yô, ve̱ lu ne ikav sha ican i yan man ishima i wan kpaa.

Yakobu 5:7

Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi.

1 Peteru 4:5

Kpa vea va ôr kwagh ve sha ishigh ki Un u A kegh iyol u ôron mbaumav man mbakpenev ijir la.

1 Peteru 4:9

Yôron nen ayol a en, kpa de gban nen ahon sha mi ga.

Mpase U Yohane 3:20

Nenge, M ngu tilen sha hunda, M ngu manden uwegh. Aluer or nana ungwa imo Yam nana bugh hunda yô, Me nyôr hen a nan, Me ya kwaghyan a nan imôngo, nan di kpaa, a Mo imôngo.