Yakobu 5:3 - ICIGHAN BIBILO

³ Zenaria wen kua azurfa wen ta nduran ve, man nduran ve la ua er ne shiada u bo ua hia ayol a en er ka usu nahan je. Ne mba ombon akaa, man ka ayange a masetyô je.

Yakobu 5:3 Iomraidhean Croise

Genese 31:48

Laban shi kaa er: Tihi ne ka shiada her atô wam a we nyian; ka nahan man a ii un iti er Galedi

Genese 31:52

Tihiawen ne a̱ lu shiada, iwen i i tim i sha ne kpaa, i̱ lu shiada, mayange me aver tihiawen ne me za ker a we ga, we di kpaa, ú aver tihiawen ne, man iwen i i tim i sha ne, ú va her a mo a awashima u bo ga.

Genese 49:1

Tsô Yakob yila ônov nav, kaa a ve er: Kohol nen imôngo, m̱ ôr ne kwagh u una va er ne sha ayange a masetyô yô:

Yobu 16:8

U kôrom taveraa–gema hingir ipasen i nan mo ibo; angev av mough num a mo mbu nan mo ibo ken igbar je.

Yesaia 2:2

Sha ayange a masetyô yô, uwo u iyou i TER ua tile dông, ua tav sha ua hemba iwo cii, á kende u sha, ua hemba agungu; akuraior cii aa kôndo sha u iuu.

Yeremia 19:9

Shi Me na, vea ya inyam i ônov vev mba nomso kua inyam i ônov vev mba kasev, hanma or nana ya inyam i ikar u nan, sha mkase u i kase gar man m-imbishi u mbaihomov vev, man mba ve keren uma ve, vea imbishi ve yô.

Mika 3:3

ne mba ne ye inyam i ior Av, man ne hoo ve kwavyolough kera, man ne hembe ve akuhe, man ne tende ve avur avur er ka inyam shin itye nahan, man er inyam i shin kwese nahan.

Mika 4:1

Kpa sha ayange a masetyô la, á ver uwo u ya u TER sha ityough ki iwoov, á kende a u sha, ua kar agungu; akuraior aa ur yemen her;

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:17

Kwaghôron ve una za hemen er ivav i samber yan or iyol nahan. Himeneu man Filetu kpaa mba ken a ve.

Yosua 24:27

Yosua shi kaa a ior cii er: Nenge, iwen ne ia hingir se shiada, gadia i ungwa akaaôron a TER A er se cii; nahan yô, ia hingir ne shiada sha er né nyiman Aôndo wen ga yô.

2 Peteru 3:3

Kwagh u hiihii yô, fa nen er ken ayange a masejime mbanahantar vea due a tarnahan, vea zende sha asaren a ve ayol a ve.

Mpase U Yohane 17:16

Man shi akor pue a u nenge a mi la kua inyam yô, vea kôr idyakwase la ihom, vea ngohol un akaa, una hingir aveve una hungwa idyelegh, vea ya inyam na vea nande un sha usu.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.