Yakobu 4:7 - ICIGHAN BIBILO

⁷ Gema nen ayol a en, na nen sha ikev i Aôndo man hendan nen a diabolo tsô una yevese ne.

Yakobu 4:7 Iomraidhean Croise

2 Samuel 15:26

kpa aluer Una kaa er: Doom a we ga yô, nahan mo m ngun, A̱ gba eren a mo sha ishima Na tsô.

2 Kroniku 30:8

Hegen yô, de kera nembe nen ikôr er uter enev lu er nahan ga, kpa na nen TER ayol a en, nyôr nen hen icighanjiir Na u A tsegh un gbem ne, civir nen TER, Aôndo wen, sha ci u iyugh Na i taveraa i̱ kar her a ven kera.

Yobu 1:21

a kaa er: Lu m duen ken iyav mbu ngôm idyelegh, shi ka idyelegh kpaa me hide ye; ka TER A ne ye, shi ka TER A ngohol kpaa ye; i̱ wuese iti i TER.

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Upasalmi 68:30

Yange inyamtoho i hen awoo ne, man ikum i anomabua a anibuav mba akuraior, ndyar ve shin angahar, ve mba inyaregh ki kpandegh ki doon ve yum la; sambe ior mba ityav mbi doo ve yô.

Yeremia 13:18

Ôr kwagh a tor man ngô u tor, kaa wer: Shar nen inya; gadia atsar a en a sha ityou, sagh kera, ka tsar u icivir yen je la.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Aerenakaa A Mbaapostoli 26:19

Nahan yô, tor Agripa, m kera hemba mpase u Sha, u m nenge a mi la ato ga.

Aerenakaa A Mbaapostoli 9:6

Kpa mough sha, za nyôr ken gar, tsô á ôr u kwagh u a doo u ú er yô.

Mbaromanu 10:3

Gadia ve fa perapera u a dugh her Aôndo la ga, mba keren u veren u ve ayol a ve. Perapera u Aôndo la yô, ve rumun un ga.

Mbaromanu 14:11

Gadia i nger er: Ter ngu kaan er: Er Mo M lu u uma ne, ka sha ishigh Yagh hanma inyu ia gure ye, hanma nombor kpaa ua wuese Aôndo.

Mbaefese 4:27

De ne nen diabolo ian ga.

Mbaefese 5:21

Ungwan nen ayol a en sha ci u cian Kristu.

Mbaefese 6:13

Sha ci u nahan yô, tôô nen ikav mbi utyav mbi Aôndo cii sha u né fatyô u tilen dông sha iyange i ifer yô, man zum u né kure akaa cii né tile her yô.

Mbaheberu 12:9

Kwagh ugen yô, se lu a uter asev mba ken iyol, ve lu kôôm se, se lu ungwan imo ve man hire Ter u ujijingi la, se kera hemba ungwan imo Na man se lu uma ye gaa?

1 Peteru 2:13

Waan nen hanma tindi u ior ve we la iko sha ci u Ter—shin a lu tor u a hembe cii,

1 Peteru 5:6

Hide nen a ayol a en ijime er uwegh ku Aôndo ku ageegh ku lu sha a ven nahan, sha er shighe á va kuma vough yô Una kende ne sha.

1 Samuel 3:18

Tsô Samuel ôr un akaa cii yer un ma kwagh ga. Nahan a kaa er: Un ka TER, A̱ er kwagh u a doo Un yô.