Yakobu 4:6 - ICIGHAN BIBILO

⁶ Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.

Yakobu 4:6 Iomraidhean Croise

2 Kroniku 32:26

Kpa Hesekia hide a iyol na ijime sha mkehe u ishima na la, un a mba ken Yerusalem, nahan iyugh i TER kera sen sha a ve sha ayange a Hesekia la ga.

2 Kroniku 33:12

Shighen u a lu ken ican la yô, a zamber a TER, Aôndo na, a hire a iyol na ijime tsung je, sha ishigh ki Aôndo u uter nav.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

2 Kroniku 34:27

er u lu a ishima i legh legh, u hire a iyol you ijime sha ishigh ki Aôndo, zum u u ongo kwaghôron Na u sha ijiir ne kua sha mba ve tem ken i kpaa, man u hire a iyol you ijime sha ishigh Yagh, u ande akondo a ou, u vaa sha ishigh Yagh kpaa yô, nahan Mo kpaa M ungwa u, kape TER A kaa la.

Yobu 22:29

Shighe u ia sen a sen yô, ú kaa wer: Kende sha; man or u varen inya kpaa, Una yima nan.

Upasalmi 138:6

Gadia er TER A lu Sha, nahan kpaa, we mbahiden ayol ijime iko, kpa mbagengeseyol yô, fe ve ken ica je.

Upasalmi 9:12

Gadia Wen u A oron iyev i awambe a i hee inya la, umbur ve; mliam ma mbaatsanev ma hungul Un ga.

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Anzaakaa 15:33

Mcie u cian TER ngu tesen a tese kwaghfan je, icivir dondo sha mhir u iyol ijime.

Anzaakaa 18:12

Mtim dondo sha ishima i moron i or, icivir di dondo sha mhir u iyol ijime.

Anzaakaa 22:4

Injar i mhir u iyol ijime, cian TER yô, ka inyaregh man icivir kua uma je.

Anzaakaa 29:23

Mgengeseyol u or una hile a nan ijime, kpa u nan hidi a iyol i nan ijime yô, nana zua a icivir.

Anzaakaa 3:34

Mba ve puun akaa yô, ka A puu ve, kpa mba ve hir ayol a ve ijime yô, A zungwen ve mhôônom.

Yesaia 2:17

Á hide a iyolmoron i uuma la ijime, iyolgengese i ior kpaa á hee i; ka TER tseegh Una lu a icivir sha iyange la ye.

Yesaia 54:7

M gbihi u kera sha anshighe kpeghee tsô, kpa Me hide a we sha mhôônom ma zungwen ma vesen.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Mateu 13:12

Gadia hanma or u nan lu a kwagh yô, ka nan á seer nan nana gema nana lu a mi kpishi ye; kpa hanmô u nan lu a kwagh ga yô, ka nan man á ngohol nan kwagh u nan lu a mi la kpaa ye.

Mateu 23:12

Man shi hanmô u nan kenden a iyol i nan sha yô, á hire a nan ijime; man hanmô u nan hir a iyol i nan ijime yô, á kende a nan sha.

Luka 1:52

A dugh mbaageev sha ukwav vev kera, A kende mba ve gengese iyol ga la, sha,

Luka 14:11

Gadia hanma or u nan kende a iyol i nan sha yô, á hire a nan ijime; man u nan hir a iyol i nan ijime yô, á kende nan sha.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Yakobu 4:10

Hire nen ayol a en ijime sha ishigh ki Ter man Una kende ne sha ye.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

1 Samuel 2:3

De kera shi seer u ôron kwagh sha imanger ga; kwaghôron u iceenegh kpaa a̱ de dugh ken zwa wen ga; gadia TER ka Aôndo u fan kwagh dedoo je, ka Un je A karen aeren ye.