Yakobu 4:4 - ICIGHAN BIBILO

⁴ Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

Yakobu 4:4 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Upasalmi 21:8

Uwegh Ough kua tser a mbaihomov Ou cii, uwegh Ough ku yanegh kpaa kua tser a ior mba ve ker U ihom yô.

Upasalmi 50:18

Zum u ka wea nenge a ormbaiv yô, u ya ikar a nan, u nyôr nongo a udyambaiorov.

Upasalmi 73:27

Gadia nenge, mba ve lu ica a We yô, vea saa ishe; Ú tim mba ve undu U cii sha idya i eren yô.

Yesaia 57:3

Kpa ne yô, kporom nen heen, ne ônov mba kwase u eren ahir, vor u idyaor man u agbaga.

Yeremia 2:2

Za, za yila sha ato a Yerusalem, kaa Wer: TER ngu kaan nahan er: Sha kwagh wou yô, M umbur erdoo u iyev ou man dooshima u ivaa you, er u dondo sha a Mo ken taaikôngo, hen tar u i lee kwagh her ga yô.

Yeremia 9:2

Ma m lu ase a ijiir i tsan ker ken taaikôngo, i i ver sha ci u mbakaren gbenda, ma m pav a ior av, ma m undu ve! Gadia ve cii ka udyambaiorov je, ikumior i lun a jighjigh ga.

Esekiel 16:32

Kwase u eren idya u nan nyer a mbavannya er nan lu a nom u nan her je!

Hosea 3:1

TER kaa a mo er: Shi za, za sôôr kwase u a doo huror na ishima, kpa a gema a hingir idyakwase, vough er TER A soo Mbaiserael shin er ve gem ve dondo mbaaôndo mbagenev nahan kpaa, shi ve soo azen a atam a ikon i wain a ombor.

Mateu 12:39

Kpa A gema A kaa a ve er: Kov u idya ne ngu keren ivande, kpa á na u ivande ga, saa di ivande i profeti Yona tsô.

Mateu 16:4

Kov u ifer u idya ngu keren ivande kpa á na u ma ivande ga, saa di ivande i Yona tsô. Tsô A undu ve A yem.

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

Luka 19:27

Kpa mbaihomov av mbala mba ve rumun er m̱ lu tor ve ga la yô, va nen a ve heen, va wua nen ve sha ishigh yagh.

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

1 Mbakorinte 1:20

Orfankwagh ngu hana? Man orngeren ngu hana? Or u sendegh kwagh u hen ayange ne nan ngu hana? Aôndo kera gema mfe u tar ne hingir ibumekwagh gaa?

1 Mbakorinte 1:21

Gadia er i lu sha kwaghfan u Aôndo je man tar u kera fe Aôndo sha gbenda u kwaghfan la ga yô, nahan doo Aôndo u yiman mba ve ne jighjigh la sha ibumegh ki kwaghôron Na.

Mbagalatia 1:10

Nahan ka ior m lu sendegh a ve hegen shin ka Aôndo? Shin ka ior m lu nôngon u doon ityough a ve ase? Aluer mea lu nôngon u doon ityough a ior heregh yô, ma m kera lu kpan u Kristu je ga.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.