Yakobu 4:3 - ICIGHAN BIBILO

³ Ne mba a kwagh ga, sha ci u ne eren msen vough ga yô, ka sha u za vihin sha asaren a en je la.

Yakobu 4:3 Iomraidhean Croise

1 Utor 3:11

Tsô Aôndo kaa a na er: Er u sen kwagh ne, u sen u tsan sha won ga, man u sen inyaregh ga, shi u sen u wuan mbaihomov ou kpaa ga, u gem u sen kwaghfan er ú fatyô u ôron ijir yô,

Yobu 35:12

Mba vaan je, kpa A bugh zwa a ve ga, sha ci u iyolgengese i mba ve eren afer la.

Upasalmi 18:41

Ve er ikenge, kpa or u yiman ve lu ga; ve yila TER, kpa A rumun ga.

Anzaakaa 1:28

zum la vea yilam, kpa me bugh zwa ga, vea kerem sha gbashima je, kpa vea zua a mo ga.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 21:13

Or u nan cir ato a nan sha u nana ungwan mliam ma icanor ga yô, nan kpaa nana vaa, kpa á ungwa nan her ga.

Anzaakaa 21:27

Nagh ku iferor ka kwagh u ndôhôrshima je, man hile aluer nana va a mi sha mhen u boo?

Yeremia 11:11

Nahan yô, TER ngu kaan nahan er: Nenge, Me va a kwaghbo sha a ve, u vea fatyô u waren un ga yô; tsô vea vaa a Mo, kpa Me ver ato hen a ve ga.

Yeremia 11:14

We yô, de eren msen sha ci u ior mban ga, man de genger mliam shin msen sha ci ve ga; gadia Me kera ungwa ve sha shighe u ve vaa mliam a Mo sha ci u kwagh u a tser ve la ga.

Yeremia 14:12

Vea hôron kwaghyan kpaa, Me ungwan mliam vem ga; man vea naan nagh ku nanden kua ku sha samuyia kpaa, Me rumun ve ga; Me tim ve sha sanker, man sha ijen, kua sha bouange kpaa.

Mika 3:4

Zum la vea vaa a TER, kpa Una wa ve iko ga; Una yer ve ishigh Nagh hen shighe la, sha ci u aferakaa a ve er la.

Sekaria 7:13

Yô, er Un A yila man ve rumun u ungwan ga, nahan kape ve kpaa vea yila, kpa Me ungwa ga la, kape TER u akum a Sha A kaa ne;

Mateu 20:22

Kpa Yesu gema kaa er: Ne fa kwagh u ne sen ga. Ne fatyô u man iyongo i Me ma i la kpa? Ve kaa er: Se fatyô.

Marku 10:38

Kpa Yesu kaa a ve er: Ne fa kwagh u ne sen ga. Ne fatyô u man iyongo i M me nee? Shin á er ne batisema sha batisema u i eren Mo ne?

Luka 11:10

Gadia hanmô u nan sen yô, nan ngohol; u nan keren kpaa, nan zough a mi u nan manden wegh kpaa á bugh nan.

Luka 15:13

Ayange nga kar kpeghee yô, wen u kiriki la kohol ikav nav cii mough yem ken tar u icaa je, za vihi inyaregh nagh keregh sha udangmbaakaav.

Luka 15:30

Kpa er wan wou u a vihi u inyaregh sha mbaagbagambaukasev ne, a za ve yô, u sôngo un icighangumbua je.

Yakobu 4:1

Ka han man ityav mbi dugh ken a vene? Man shi ka han man iniumsuwen kpaa i dugh hen a vene? Kera ka sha asaren a en a a lu nôngon num ken alegh a en la gaa?

1 Yohane 3:22

Man nyityôkwagh i se sen kpaa se mba ngohol i her a Na, gadia se mba kor atindi a Na, shi se mba eren akaa a doon Un kpaa.

1 Yohane 5:14

Ka vangertiôr wase u se lu a mi sha ishigh Nagh ne: ka sea sôn nyityô kwagh u a lu sha ishima Na vough yô, A ungwa se.