Yakobu 4:11 - ICIGHAN BIBILO

¹¹ Anmgbianev, de er nen kwagh dang sha ayol a en ga. U nan er kwagh dang sha anmgbian shin nan gbe nan anmgbian u nan ibo tsô yô, ka atindiakaa nan lu ôron sha mi dang ye, shi ka atindiakaa man nan gbe nan a ibo tsô kpaa ye. Aluer u ngu nan tindi ibo yô, u kera ngu or u eren sha tindi ga, kpa u hingir or u ôron tindi ijir.

Yakobu 4:11 Iomraidhean Croise

Upasalmi 140:11

Or u eren anger la, nana̱ de til dông shin tar ga; kwaghbo a̱ zenda ipiraor ityô, a̱ kôr un.

Luka 6:37

De gbe nan nen or ibo gagh ga, nahan ne kpaa á kera na ne ibo gagh ga ye; de gbe kuren kwagh u or dang ga, nahan ne kpaa á kera kure kwagh wen dang ga, pase tuhwa nen, man ne kpaa á pase ne á tuhwa ye.

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

Mbaromanu 2:13

Gadia ka mbaungwan a ungwa atindi tsô man vea lu mbaperapera sha ishigh ki Aôndo ga, kpa ka mbaeren a er sha atindi la á na ve ishô ye.

Mbaromanu 7:7

Nahan sé kaa nana? Atindi gema ka isholiboo? Mayange ga. Luun sha atindi ga yô, ma m fe isholibo ga, gadia aluer tindi una kaa er, de tem ga, ga yô, ma m fe mtôm ga.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Mbaefese 4:31

Dugh nen hanma ishima i yuan man ishima i nyoon man iyugh man u zôhôn genger genger man ityuhwanev ken a ven kera kua hanma inja i dang kpaa.

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:3

man mbalun a dooshima ga man mba ve soo u himen iyongo kpaa ga man mbaerenangereke man mbakôron ayol a ve tsaha ga man anomaior a bo man mba kwagh u dedoo a doo ve ga

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

Yakobu 1:16

De tsumen nen ga, anmgbianev av mba doon mo ishima.

Yakobu 1:19

Anmgbianev av mba doon mo ishima, fa nen kwagh. Hanma or nana̱ lu tsev tsev sha u ungwan kwagh kpa nana̱ gema a̱ ngôôr a kwaghôron, nana̱ ngôôr a iyugh kpaa.

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

Yakobu 2:8

Kpa aluer nea wa tindi u tartor iko mimi er i nger ken icighanruamabera nahan er: Or u nan we ndor a we, nana̱ doo u ishima er we iyol you nahan yô, ne er doo.

Yakobu 5:10

Uprofeti mba ve lu ôron kwagh ken iti i Ter yô, ve̱ lu ne ikav sha ican i yan man ishima i wan kpaa.

Yakobu 5:7

Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi.

Yakobu 5:9

Anmgbianev, de gbe nen ahon ayol a en ga sha u i̱ de ne ne ibo ga yô. Nenge, Orjir va, ngu tilen sha hunda.

1 Peteru 2:1

Nahan undu nen hanma ifer man hanma icugh man imanger man iwuhe man angereke cii kpaa,