Yakobu 3:8 - ICIGHAN BIBILO

⁸ Kpa nombor yô, ma or u umace môm nan fatyô u kôôm u ga, ka ifer i memen mayange ga, u iv a megh ku bogh.

Yakobu 3:8 Iomraidhean Croise

Upasalmi 140:3

Ve hor iniombor ve er ka i iyô nahan, megh ku igbindegh ku ve sha ijô.

Upasalmi 55:21

zwa na leghem er ka ahôm a bua yô, kpa ishima na yô, ka ityav tseegh; akaaôron na hemba leghem a mkurem, nahan kpaa ka usanker mba i tsough yô.

Upasalmi 57:4

Uma wam ngu hen atô u ubegha, m ngu yaven hen atô u mba usu u lu hian ve la; ka ônov mba iorov mba anyi a ve a lu awange man avaan, nombor ve kpaa u lu sanker u esen yô.

Upasalmi 58:4

Megh vegh ku er megh ku iyôgh yô, mba er igbinde i i kondo ato a i yô,

Upasalmi 59:7

Nenge, ve kaa imbwase sha zwa ve, usanker mba ve sha ityumbujôôgh; gadia ka an nana ungwa? Kape ve kaan la.

Anzaakaa 17:20

Or u nan lu a ishima i dang yô, nan zough a kwagh u injaa ga, man u nan lu a nombor u icughugh yô, nan gbe ken ican.

Orpasenkwagh 10:11

Aluer iyô ia vande nyuman or kera er i lu a kumbur i ga yô, kera ka a inja u orfanzwa nana va kumbur i ga.

Mbaromanu 3:13

Gôngor ve ka uwar u lun ivegher je, ka sha iniombor ve ve lu tsughun ior ye, megh ku iyô i bo ku ve sha ityumbujôôgh.

Duteronomi 32:33

Wain ve ka megh ku iyô i vesen, megh ku boogh ku gbinde.

Yakobu 3:6

Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye.

Yakobu 3:7

Gadia hanma inja i inyamtoho man shi inyon man akaa a kpelan iyav inya man akaa a uma a shin zegemnger cii a fatyô u koso a, aa var ken ya, man i vande koson a nahan sha ishima i or kpaa.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.