Yakobu 2:9 - ICIGHAN BIBILO

⁹ Kpa aluer ne sange sha dooshima yô, ka isholibo ne eren ye, tindi una na ne ibo er, ne mba mbaperenatindi.

Yakobu 2:9 Iomraidhean Croise

Levitiku 19:15

De eren ifer sha ijirôron ga; de gbe tan ken icanor tsô ga, de hembe wan shagbaor iko kpaa ga, kpa ôr or u nan we ndor a we ijir sha perapera je.

YOHANE 16:8

Zum u Una va yô, Una pase tar kwagh u isholibo man kwagh u perapera kua u ijirôron kpaa;

YOHANE 8:46

Ka an wen nana pasem isholibo Yama? Aluer ka mimi M lu ôron yô, ka nyi ne nem jighjigh ga?

YOHANE 8:9

Mba ongo nahan yô, ve gba duen môm môm, hii sha orvesen la je, i undu Yesu tswen, kwase la yô, tile her.

Aerenakaa A Mbaapostoli 10:34

Tsô Peteru bugh zwa kaa er: Mimi je, m kav, Aôndo ka u sangen a sange ior ga,

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

1 Mbakorinte 14:24

Kpa aluer ve cii vea lu ôron kwaghôron u profeti yô, man orgen nana nyôr, a lu or u nan jighjigh ga, shin or u fan kwagh la ga yô, nahan ve cii vea kôôm nan, ve cii vea kar nan kpaa,

Mbagalatia 2:19

Gadia ka sha tindi man m kpe sha kwagh u tindi ye, sha u me gema me lu uma sha ci u Aôndo yô.

Duteronomi 1:17

Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.

1 Yohane 3:4

Hanma or u nan eren isholibo yô, nan ngu vendan tindi kpaa, gadia isholibo ka atindi a vendan.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.