Yakobu 2:6 - ICIGHAN BIBILO

⁶ Kpa ne yô, ne hee a hee icanor je. Kera ka mbanyarev man ve lu eren a ven sha apera ve tul ne, ve yemen a ven ken ijir ye gaa?

Yakobu 2:6 Iomraidhean Croise

Yobu 20:19

Gadia nan er mbaatsanev ican, nan ta ve kera, ya u nan ngohol sha agee la kpaa, nana maa un ga.

Upasalmi 10:10

A gure, a var inya; mba ve lu aseer yô, ve gba sha ikev na.

Upasalmi 10:14

U nenge a mi; gadia We, U ngu nengen zayol man ishimavihin, sha er Ú tôô sha uwegh Ough; ka her a We man isheeror ka i ver iyol i i ye; We, U lu Orwasen u ancôghol.

Upasalmi 10:2

Sha mhagher u iferor yô, ngu tôvon icanor ityô tsung; i̱ kôr ve sha akaahônon a ve hen la.

Upasalmi 10:8

Ka ken ajiir a iuvugh a ken angarev a tem ye; ken ajiir a yeren la, ka a wuan mbaishôôv. A dughun aseeraior ashe ken myer,

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 14:6

Ne mba heen mhen u icanor, kpa TER ka ijiir na i waren ker.

Anzaakaa 14:31

Or u nan nzughul a icanor yô, nan laha u A gbe nan la, kpa u nan zungu oribanave mhôônom yô, nan ngu civir Un.

Anzaakaa 17:5

Or u nan naha icanor tar yô, ka u A gbe un la nan laha ye; or u nan ember sha bocan u or yô, nana de zuan a mtsaha ga.

Anzaakaa 18:23

Mbaatsanev ka ve ôron kwagh sha zamber, kpa mbanyarev yô, ka ve ôron kwagh sha nomor.

Anzaakaa 22:16

Or u nan kighir icanor nan ngu nan sha u nana zua a kwagh, man u nan ne ornyar kwagh yô, nan ngu geman nan nan hingir oribanave.

Anzaakaa 22:7

Mbanyarev ka ve tema tor sha mbaatsanev, man or u yan injô yô, ka kpan u or u nan injô, la.

Orpasenkwagh 5:8

Aluer wea nenge mkighir u i kighir icanor man mvihi u ijirôron kua mimi ken ipaven ugen yô, kwagh shon a̱ de kpiligh we iyol ga, gadia u a hembe tahav ngu kenger u a lu a tahav la, man shi mbagenev mba hemban ve kpaa mba.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Amoshi 5:11

Er ne ndyaren icanor man ne sav alakema na, ne maa ayou a sha awen a kuan, kpa tsan yen ker ga; ne kaha ishule i ikon i wain i dedoo, kpa man yen zar u i ga.

Habaku 3:14

Ka sha udagi nav iyol na U kuma ityough ki mbautyav nav mba ve ve er hir nahan sha u samben mo la ye; ve ember je, er vea ya mbaatsanev ken myer nahan.

Sekaria 7:10

de kera kighir nen kwasecôghol a ican ga, man wancôghol man shiror shin icanor kpaa ga; hanmô wen nana de kera henen iferkwagh ken ishima i nan sha anngô u nan ga.

YOHANE 8:49

Yesu gema kaa er: M ngu a jijingi u bo ga, kpa M civir Terem, man ne gema ne mba lahan Mo.

Aerenakaa A Mbaapostoli 13:50

Kpa Mbayuda vihi ashagbaukase a civir Aôndo man shi mbavesen mba ken gar la, ve gba tôvon Paulu man barnaba a ican, ve zenda ve ken tar ve kera.

Aerenakaa A Mbaapostoli 17:6

Kpa mba zough a ve ga yô, ve kpela Yason kua anmgbianev mbagenev, ve za a ve hen mbatamen mba ken gar la, ve gba genger imo kaan er: Ior mba ve vihi tar cii ne, ve va heen kpaa,

Aerenakaa A Mbaapostoli 18:12

Kpa zum u Galiou lu gomna sha Akaya la, Mbayuda mough, ta sha Paulu a ishima i môm ve va a na sha ishigh ki ikônough ki ijirigh,

Aerenakaa A Mbaapostoli 8:3

Kpa Saulu yô, lu eren nongo u Kristu ican gba nyôron uya uya, kôron nomso man kasev, kpelan ve hen inya za wuhen ken gaadi.

1 Mbakorinte 11:22

Nahan yô, ne kera mba a uya mba né ya kwagh ker, né ma kwagh ker gaa? Shin ka nongo u Kristu u Aôndo ne lahan ve ne ne mba ve lu a kwagh ga la iheene? Tsô me kaa ne nana? Me wuese nee? Sha kwagh ne yô, m ngu wuese ne ga.

Yakobu 2:3

ne gema ne kenger or u nan hee riga u icivirigh la ne kaa a nan ner: We yô, ikagh ki teman ki dedoo kin, kpa ne gema ne kaa a icanor la ner: We, tile keela, shin: Va tema shin ankwagh wam u pendan angahar sha mi ne—

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Yakobu 5:6

Ne gba kuren kwagh u orperapera dang tsô ne wua un je, kera ngu hendan a ven ga.