Yakobu 2:5 - ICIGHAN BIBILO

⁵ Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

Yakobu 2:5 Iomraidhean Croise

1 Utor 22:28

Tsô Mikaia kaa er: Aluer wea hide bem bem yô, TER ôr kwagh a mo ga. Shi a kaa er: Ne ior cii ungwa nen.

Yobu 34:10

Yô, ver nen ase ato her a mo, ne ior mba kaven kwagh; Aôndo Una er iferkwagh mayange ga, Uhembanagee kpaa Una er kpe ga.

Yobu 34:19

Man hire Un u A te ken atiator sha dooshima ga, man A hemba wan mbanyarev iko a mbaatsanev kpaa ga, gadia ve cii ka tom u ave Na je.

Yobu 38:14

I gema u er inyandor i i ver ikav sha mi nahan; akaa cii due ken igbar er ikondo yô;

Ekesodu 20:6

kpa mba M doo ve ishima man ve we atindi a Am iko yô, M eren a udubu vev imôngo dedoo.

Anzaakaa 13:7

Orgen ka nan ver iyol er nan ngu ornyar je, kpa nan lu a kwagh ga; orgen di ka nan ver iyol er nan ngu icanor, kpa nan ngee akaa kpishi.

Anzaakaa 7:24

Hegen yô, ônov, ver nen ato her a mo, wa nen kwaghôron u sha zwa wam iko.

Anzaakaa 8:32

Hegen yô, ne ônov, ver nen ato her a mo, gadia saan mba ve we igbenda yam iko la, iyol.

Yesaia 14:32

Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.

Yesaia 29:19

Mbaasemaleghlegh kpaa vea seer iember ve ken TER, man mbaatsanev ken ior kpaa vea ember ken Icighan u Iserael.

Sefania 3:12

Kpa Me undu atereghaior man atsanaior ken atô wou, vea suur sha iti i TER.

Sekaria 11:11

I pav i sha iyange la, nahan iyôngo i i ker mhôônom i wem iko ne, i fa er i lu kwaghôron u TER je yô.

Sekaria 11:7

Nahan m hingir orkuran u iyôngo i á va sôngo i la—ka nahan man i ker mhôônom ye. Nahan Mtôô igbough ihiar, m yila u môm, mer Dooashe, ugen la m yila mer Mzough; tsô m gba koson iyôngo la.

Mateu 11:5

mbaapirashe mba nengen kera, man mbasombon mba zenden, wanger mbaamandev iyol, mbakondonato mba ungwan; mba nderen mbakpenev, man mba ôron mbaatsanev Loho u Dedoo.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 5:3

Saan mba ve lu mbaibanave ken jijingi la iyol, gadia tartor u Sha ka u ve je.

Marku 7:14

A shi A yila ikpelaior her a Na, A kaa a ve er: Ver nen ato sha a Mo, ne cii, shi kav nen kpaa:

Luka 12:21

Or u nan lu koson inyaregh sha ci u iyol i nan, kpa nan kera lu ornyar sha kwagh u Aôndo ga la, kape kwagh u nan a lu ne.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

Luka 16:22

Tsô or u sônon la va kpe, mbatyomov mba Shaav tôô un, za a mi ken ikum i Aberaham.

Luka 16:25

Kpa Aberaham kaa er: Wan, umbur er iyange u zuan a akaa a ou a dedoo zum u u lu uma la kape Lasaru kpaa zuan di a akaa a bo je la; kpa hegen yô, mba surun un ishima heen; man we di ican ngi eren we hegen kpishi.

Luka 22:29

Nahan M ver ne tartor er Terem kpaa A verem nahan,

Luka 6:20

Tsô A kende ashe sha mbahenen Nav, A kaa er: Saan ne iyol, ne mbaatsanev, gadia tartor u Aôndo ka u wen je.

YOHANE 7:48

Mô u ken mbavesen shin u ken Mbafarishi kpaa nan na Un jighjigh shinii?

Aerenakaa A Mbaapostoli 7:2

Tsô Sefanu kaa er: Anmgbianev man uter, ver nen ato, Aôndo u iengem ande hen ter wase Aberaham zum u a lu ken Mesopotamia, je er a lu a tema ken Haran ga la.

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

1 Mbakorinte 2:9

Se mba ôron er i nger la nahan er: Akaa a ashe a nenge a mi ga, ato kpaa a ungwa a ga, a ve or ken ishima kpaa ga, ka akaa a Aôndo A ser a sha ci u mba Un doo ve ishima la.

2 Mbakorinte 4:15

Akaa cii nga sha ci wen sha u mrumun u sha mhôôn a̱ seer sha ior kpishi man i̱ seer iwuese sha ci u icivir i Aôndo kpaa.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

2 Timoteu 1:5

Ka ikav i ijirôron i mimi i Aôndo i tesen er ne kuma tartor u Aôndo u ne lu yan ican sha ci u u la.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

WASHIKA U SHA UHAR U PAULU APOSTOLI TINDI HEN TIMOTEU - 2TI 4:18

Man Ter Una yimam sha hanma tom u dang, Una warem sha u m̱ nyôr tartor Na u Sha. Icivir i̱ lu i Na gbem sha won. Amen.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Mbaheberu 11:26

A nenge iheen i Kristu hemba lun un a inja a akaa a injaagh a Igipiti cii, gadia a ver ashe sha injar.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

Yakobu 1:16

De tsumen nen ga, anmgbianev av mba doon mo ishima.

Yakobu 1:19

Anmgbianev av mba doon mo ishima, fa nen kwagh. Hanma or nana̱ lu tsev tsev sha u ungwan kwagh kpa nana̱ gema a̱ ngôôr a kwaghôron, nana̱ ngôôr a iyugh kpaa.

Yakobu 1:9

Anmgbian u lun a icivir ga yô, nana̱ ta ihagh sha indi i nan,

1 Peteru 1:4

se̱ lu a dyako u hôôn ga, u fisee kpaa ga, u usen tsô kpaa ga, u i koso un Sha sha ci wen,

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.

Mpase U Yohane 3:18

M ngu wasen we henen Mer, yam kwagh a Mo, yam zenaria u i ser sha usu sha er ú ngee a kwagh yô, man shi akondo a pupuu sha er ú haa a iyol, kunya u idyelegh wou u̱ de dugh ken igbar ga yô, man shi icigh ki shighen sha ashe a ou sha er ú nenge kera yô.

Mbaajiriv 9:7

Er i va ôr Yotam nahan yô, a za a za unde sha ityough ki uwo u Gerishim, a genger imo a kaa a ve er: Ver nen ato her a mo, ne ior mba Shekem, sha er Aôndo kpaa Una ver ato her a ven yô.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.

1 Samuel 2:8

Ka A dugh icanor shin vuulevu kera, A mough a nan sha. A kende a oribanave shin tihi u ihôgh sha, er ve̱ tema a uityombaiorov imôngo, ve̱ ya dyako sha ikônough ki torough ki engem; gadia ityôv mbi tarev ka mbi TER je, A ver tar sha mbi.