Yakobu 2:12 - ICIGHAN BIBILO

¹² Ôron nen kwagh shi eren nen kwagh er ka mba á va ôr ve ijir sha tindi u a pase a toho la nahan.

Yakobu 2:12 Iomraidhean Croise

Luka 4:18

Jijingi u Ter ngu sha a Mo, sha ci u A shighem mkurem, A tindim er M̱ yôô Loho u Dedoo hen mbaatsanev,

YOHANE 8:32

man né fa mimi, mimi kpaa una pase ne una tuhwa.

Mbagalatia 6:2

Wasen nen ikav ayol a en, ka nahan man né er sha tindi u Kristu vough ye.

Mbafilipi 4:8

Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

Yakobu 2:8

Kpa aluer nea wa tindi u tartor iko mimi er i nger ken icighanruamabera nahan er: Or u nan we ndor a we, nana̱ doo u ishima er we iyol you nahan yô, ne er doo.