Yakobu 1:9 - ICIGHAN BIBILO

⁹ Anmgbian u lun a icivir ga yô, nana̱ ta ihagh sha indi i nan,

Yakobu 1:9 Iomraidhean Croise

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Anzaakaa 17:5

Or u nan naha icanor tar yô, ka u A gbe un la nan laha ye; or u nan ember sha bocan u or yô, nana de zuan a mtsaha ga.

Anzaakaa 19:1

Guda icanor u nan zenden ken mimi u nan la, a or u nan er akaadang sha zwa man nan lu ibumeor la.

Yesaia 29:19

Mbaasemaleghlegh kpaa vea seer iember ve ken TER, man mbaatsanev ken ior kpaa vea ember ken Icighan u Iserael.

Luka 1:52

A dugh mbaageev sha ukwav vev kera, A kende mba ve gengese iyol ga la, sha,

Luka 10:20

Kpa de ember nen er ujijingi ve lu sha ikev yen ga, kpa ember nen er i nger ati a en Sha yô.

Luka 14:11

Gadia hanma or u nan kende a iyol i nan sha yô, á hire a nan ijime; man u nan hir a iyol i nan ijime yô, á kende nan sha.

Luka 9:48

A kaa a ve er: Anti or u nana rumun wanye ne ken iti Yam yô, ka Mo je nan rumun ye, man shi anti or u nan rumun Mo yô, nan ngu rumun Un u A tindim la kpaa. Gadia ka or u nan hembe ndahar ken a ven la, ka nan nan lu orvesen ye.

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

Duteronomi 15:11

Gadia mayange mbaatsanev vea bee sha tar ga, ka nahan man m kaa Mer, bugh uwegh ough, wase anngôu man or u kwagh a gbe nan man icanor ken tar wou ye.

Duteronomi 15:7

Aluer ma icanor á lu hen a we, á lu mô anngôu, ken ma gar ken tar wou u TER, Aôndo wou, A lu nan we la, yô, de cighir ishima you ga, de kusun uwegh ough a anngôu u a gbe ican la ga;

Duteronomi 15:9

kura iyol you, mhen u dang, a̱ de lu ken ishima you, er ú kaa wer; inyom i sha utaankaruhar, inyom i den injô la mgbôghom ve, ga, man ú gba kenger anngôu u a gbe ican la dang, ú nyume un kwagh man una gema á vaa ieren you la a TER; nahan yô, hingir isholibo je u er ye.

Mbafilipi 3:14

M ngu yevese zan hen ikighir i i ver la sha u zuan a iwua i myila u a sen sha, u Aôndo A lu yilan ken Kristu Yesu la.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.

1 Samuel 2:8

Ka A dugh icanor shin vuulevu kera, A mough a nan sha. A kende a oribanave shin tihi u ihôgh sha, er ve̱ tema a uityombaiorov imôngo, ve̱ ya dyako sha ikônough ki torough ki engem; gadia ityôv mbi tarev ka mbi TER je, A ver tar sha mbi.