Yakobu 1:3 - ICIGHAN BIBILO

³ gadia ne fa, mkar u i lu karen jighjigh wen u nan la ka a na ishima i taver.

Yakobu 1:3 Iomraidhean Croise

Luka 21:19

Ka sha ishima yen i wan man né zua a uma wen ye.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 8:25

Kpa aluer se mba a ishimaverenkeghen sha kwagh u se nenge a mi ga la yô, ka sha ishima i wan je se kegh un ye.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Mbakolose 1:11

i̱ taver ne sha agee cii sha inja i agee a iengem Na la sha u taver ishima man shi u wan ishima saan saan kpaa,

2 Timoteu 1:4

zan zan se ayol a ase kpaa se mba tan ihagh a ven ken iniongo i Kristu i Aôndo sha ishima yen i wan man jighjigh wen u nan ken mbamtev mba i lu tôvon ne a atsan man atsan a ne lu taver ishima sha mi la cii.

2 Timoteu 3:5

Ter A̱ kôôm asema a en u zan ken dooshima u Aôndo man ishima i wan i Kristu.

Mbaheberu 10:36

Gadia gba u né lu a ishima i taver sha u eren ishima i Aôndo man né ngohol kwagh u i tende zwa a ven la.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

Mbaheberu 6:12

sha u iyol i̱ de kera kpeen ne ga, kpa ne̱ hingir mbakaven mba ve ya dyako u uityendezwa sha jighjigh u nan man sha ishima i wan kpaa.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

2 Peteru 1:6

sha kwaghfan la, seer nen u kôron iyol tsaha; sha tsaha u kôron la, seer nen ishima i taver; sha ishima i taver la, seer nen mcivir u civir Aôndo;