Yakobu 1:25 - ICIGHAN BIBILO

²⁵ Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

Yakobu 1:25 Iomraidhean Croise

Upasalmi 106:3

Mba i saan ve iyol yô, ka mba ve we ajiraôron a mimi la iko, mba ve eren perapera gbem yô.

Upasalmi 119:32

Me za ayem sha gbenda u atindi a Ou, gadia U er ishima yam, ngi gbar gbar.

Upasalmi 119:45

Man shi me zende gbar gbar kpaa, gadia m ker uiniezwa Ou.

Anzaakaa 14:15

Orlanenkwagh ka nan gba nan jighjigh sha hanma kwaghôron tsô, kpa orfankwagh yô, ka nan ver ishima sha zende u nan.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

YOHANE 13:17

Aluer nea fa akaa ne, man nea eren sha mi yô, á saan ne iyol.

YOHANE 8:36

Nahan aluer Wan Una pase ne Á tuhwa yô, i pase ne i tuhwa mimi je.

Aerenakaa A Mbaapostoli 13:43

Er mkohol u ken shinagoge hembe yô, Mbayuda mbagenev kpishi man shi mba ve gem ve hingir a hingir Mbayuda mba ve cie Aôndo, ve dondo Paulu man Barnaba; ve kpaa, ve ôr kwagh a mbala, ve taver ve ishima er ve̱ var sha mrumun u sha mhôôn u Aôndo.

Aerenakaa A Mbaapostoli 2:42

Tsô ve kange asema sha ityesen i mbaapostoli man ken mzoughshima, man ken mcoon u bredi, man ken msen u eren kpaa.

Aerenakaa A Mbaapostoli 26:22

Mo yô, ka er m zough a iwasen her Aôndo man m til zan zan nyian ye; m lu pasen mbakiriki kua mbavesen cii, m gbe ôron ma kwagh ugen ga saa akaa a uprofeti kua Mose lu kaa er á va er la,

Mbaromanu 11:22

Nahan nenge mhôônom ma zungwen man shi ipila i Aôndo. Mba ve gbe yô, ka ipila, kpa we yô, ka mhôônom ma zungwen ma Aôndo aluer wea tile sha mhôônom ma zungwen yô. Gayô, we kpaa á tôndo u kera.

Mbaromanu 2:13

Gadia ka mbaungwan a ungwa atindi tsô man vea lu mbaperapera sha ishigh ki Aôndo ga, kpa ka mbaeren a er sha atindi la á na ve ishô ye.

Mbaromanu 7:12

Nahan yô, atindi ka icighankwagh, tindi kpaa ka icighankwagh shi kwagh u jighjigh man u doon kpaa.

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbaromanu 8:2

Gadia tindi u Jijingi u uma u a lu ken Kristu Yesu la pase u tuhwa sha ikev i tindi u isholibo man u kuugh la.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

2 Mbakorinte 13:5

Kar nen ayol a en sha u né fa aluer nea lu ken jighjigh u nan yô, time nen ken ayol a en. Ne kera fa er Yesu Kristu A lu ken a ven gaa? Saa nea yina ikaren tsô.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbagalatia 5:1

Ka sha u se̱ de luun ken uikangen ga, man Kristu pase se tuhwa ye. Nahan yô, tile nen dông, i̱ de kera shi wan ne igbur i ikpan ga.

Mbagalatia 6:2

Wasen nen ikav ayol a en, ka nahan man né er sha tindi u Kristu vough ye.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

1 Timoteu 2:15

Kpa una war sha ônov mba maren aluer una tile ken jighjigh u nan man dooshima man mtsegh man u eren kwagh sha kwaghfan yô.

1 Timoteu 4:16

Ver ishima sha iyol you man ityesen you kpaa, taver ishima sha mi. Aluer ú er nahan yô, ú yima iyol you kua shi mba ve lu ungwan we la kpaa.

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

Yakobu 2:12

Ôron nen kwagh shi eren nen kwagh er ka mba á va ôr ve ijir sha tindi u a pase a toho la nahan.

1 Peteru 2:16

Lu nen er mba ve lu ken uikangen ga nahan, kpa mlu wen u ken uikangen ga la a̱ de gem a̱ hingir ne kwagh u yisan ifer a mi ga; lu nen ikpan i Aôndo.

1 Yohane 2:24

Ne yô, kwagh u ne ungwa sha hiihii je yô, a̱ lu ken a ven; aluer kwagh u ne ungwa sha hiihii la una lu ken a ven yô, ne kpaa né lu ken Wan man ken Ter kpaa.

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

1 Samuel 12:14

Aluer né cian TER, né civir Un, né ungwan imo Na, né hendan a tindi u TER ga yô, man aluer ne kua tor u a tem sha a ven ne, né lu mbadondon mba TER, Aôndo wen yô, á doo;