Yakobu 1:12 - ICIGHAN BIBILO

¹² Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

Yakobu 1:12 Iomraidhean Croise

Genese 22:1

Tsô ken masetyô u akaa ne yô, Aôndo kar Aberaham, kaa a na er: Aberaham! A kaa er: Een.

Nehemia 1:5

m kaa mer: TERE, Aôndo u Sha, Aôndo u hemban, u cier iyol, u wan ikuryan iko man erdoo a mba A doo ve ishima man ve we atindi Na iko yô.

Yobu 2:10

Kpa a gema a kaa a na er: U ngu ôron kwagh er ibumekwase nahan. Sé ngohol kwagh u dedoo hen Aôndo, man kwaghbo yô, sé kera ngohol gaa? Ken akaa ne cii Yobu er kwaghbo sha kwaghôron na ga.

Yobu 5:17

Nenge, saan or u Aôndo A kôôm nan la iyol; yô, de kera lahan mtsaha u Uhembanagee la ga.

Upasalmi 11:5

TER ngu karen orperapera kua iferor kpaa; or u ipila i doo nan la yô, A kôr nan ihom.

Upasalmi 119:67

Zum u ican i lu a erem ga la, m tsume, kpa hegen yô, m ngu wan mkaanem Ou iko.

Upasalmi 119:71

Doom er ican i erem, sha er m̱ hen akaawan a Ou yô.

Upasalmi 119:75

M fa, TERE, akaaôron a Ou a jirigh ka a perapera je, man er i lu sha jighjigh Wou man U erem ican je ye.

Upasalmi 5:11

Kpa mba ve suur sha a We cii yô, ve̱ ember; ve̱ genger amo sha iember gbem, sha ci u U cir iyol sha a ve yô; mba iti You i doo ve kpaa, ve̱ ember ken a We.

Upasalmi 94:12

Or u i saan nan iyol yô, ka or u u tsaha nan, TERE, shi U tese nan tindi Wou kpaa yô,

Ekesodu 20:6

kpa mba M doo ve ishima man ve we atindi a Am iko yô, M eren a udubu vev imôngo dedoo.

Anzaakaa 17:3

Adum ngu sha ci u sôron azurfa je, man usu u iwaagh kpaa ngu sha ci u zenaria, kpa TER yô, karen asema.

Yesaia 64:4

Gadia hii ngise je ior ungwa ga, shi ve kav ken ato a ve ga, ma ishe kpaa nenge a Aôndo ugen ga, saa We, u U eren tom sha ci u or u nan veren ashe sha a We yô.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Mateu 10:22

Ior cii vea kôr ne ihom sha ci u iti Yam; kpa u nana taver ishima zan zan mkur yô, ka nan nana war ye.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

Mbaromanu 5:4

ishimataver di gem ne mkom, mkom gem ne ishimaverenkeghen.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

1 Mbakorinte 2:9

Se mba ôron er i nger la nahan er: Akaa a ashe a nenge a mi ga, ato kpaa a ungwa a ga, a ve or ken ishima kpaa ga, ka akaa a Aôndo A ser a sha ci u mba Un doo ve ishima la.

1 Mbakorinte 8:3

Kpa aluer Aôndo Una doo or ishima yô, nan kpaa Aôndo fa nan.

1 Mbakorinte 9:25

Hanma or u wan iyol sha iniumbe yô, ka nan kôr iyol i nan tsaha sha akaa cii. Ve yô, ka sha u zuan a tsar u usen tsô, kpa se yô, ka u usen ga.

Duteronomi 13:3

yô, de veren ato sha akaaôron a profeti la, shin or u mnyam ma cie nan la ga; gadia TER, Aôndo wen, ngu karen ne a kar sha er Una fa shin TER, Aôndo wen, doo ne ishima a ishima yen cii man a uma wen cii kpaou.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:15

Nôngo sha gbashima u veren iyol you sha ishigh ki Aôndo er or u i kar nan nan kom yô, ortom u i gba u nana ya kunya ga yô, or u nan pasen kwaghôron u mimi la jighilii.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Mbaheberu 10:32

Umbur nen ayange a karen la zum u kwagh va wanger ne la, ne nôngo ngegh sha atsan a a tser ne la.

Mbaheberu 11:17

Ka sha jighjigh u nan man zum u i kar Aberaham yô, a na nagh sha Isaka ye, man un u a ngohol uityendezwa la yô, a na nagh sha wan na u môm môm la.

Mbaheberu 12:5

Shi kwaghwan hungul ne u i we ne er ka ônov nahan la er: Wan Wam, de lahan mkôôm u Ter ga, ishima i̱ de kera yinan we zum u A lu tsahan we la ga.

Mbaheberu 6:15

Er a wa ishima gbang, a maa a ngohol ityendezwa la.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

Yakobu 5:11

Mba ve taver ishima yô, ka se yila ve ser, mba i saan ve iyol. Ne ungwa er Yobu a taver ishima yô, man shi ne nenge mkur u Ter kure kwagh na yô, mhôônom ma ker Ter man shi zungu mhôônom kpaa.

1 Peteru 3:14

Kpa aluer nea yan ican sha ci u kwagh u perapera kpaa, á saan ne iyol je; de cie nen m-ange ve ga, man ishima i̱ de te ne kwe kpaa ga.

1 Peteru 4:13

Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

1 Peteru 4:14

Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.

1 Yohane 4:19

Se mba a dooshima sha ci u se vande doon Un ishima je yô.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.