Upasalmi 99:4 - ICIGHAN BIBILO

⁴ Tor u ageegh u ijirôron i mimi i doo U ne, ka We, U ver kwagh u vough ye, U er ijir sha mimi, U eren sha perapera ken Yakob.

Upasalmi 99:4 Iomraidhean Croise

Yobu 37:23

Uhembanagee yô, se fatyô u kaven Un ga; A hemba agee; kpa ijirôron kua m-iv u perapera yô, Una nzughul a mi ga.

Upasalmi 11:7

Gadia TER ka u perapera je, perapera doo Un ishima; mbamimi yô, vea nenge ishigh Nagh.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Duteronomi 10:18

er ijir sha ci u ancôghol man kwasecôghol, shiror doo Un ishima, ne nan kwaghyan man akondo kpaa.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.