2 TER hemba cii ken Shion; A hemba ior cii, ca je.
TER ngu sha, kar akuraior sha cii, iengem Na kpaa kar Usha je.
A gema ior, ve hingir sha ikev yase; akuraior kpaa hingir se kwagh u tan angahar mi.
Aôndo tema tor sha akuraior; Aôndo ngu teman sha icighanikôn Na u tor.
Ken Shion u a lu mdooashe u ganden la, Aôndo mondo er iwanger nahan.
A tema tor sha agee a Na gbem; ashe a Na gba kenger sha akuraior; mbahendan yô, ve̱ de kera kenden ayol a ve sha ga. Sela.
Gadia We, U ngu Uhembansha sha tar cii, TERE! I kende U sha, kar mbaaôndo mbagenev ca je!
Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.
Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.
I nenge a ifer ken Yakob ga, shi i nenge a injughul ken Iserael kpaa ga; TER, Aôndo na, ngu a na imôngo, awer a gbiren a ember tor nga her a ve.
