Upasalmi 98:5 - ICIGHAN BIBILO

⁵ Wa nen atsam a wuese TER, sha adiguve, sha adiguve man icam i wan genger genger,

Upasalmi 98:5 Iomraidhean Croise

1 Kroniku 15:16

Shi Davidi kaa mbahemenev mba Mbalevi er, ve̱ ver anmgbianev vev, mbawanatsam mbala, a ityogholov, mbaadiguve man umolo man ukwen, ve̱ kuhwan taver, taver ve̱ kende imo a iember.

1 Kroniku 15:28

Kape Iserael cii, ve va a areki u ikuryan u TER a awer a gbiren kondo kondo sha imo i amar a tôngon man ikor man ukwen, er ve lu kuhwan taver taver sha mbaadiguve man umolo.

2 Kroniku 29:25

A ver Mbalevi ken iyou i TER a ukwen man mbaadiguve kua umolo sha imo i Davidi man i Gadi ornengenakaa u tor la, man i profeti Natan kpaa; gadia imo la due hen TER je, va hen uprofeti Nav ye.

Upasalmi 147:7

Wa nen icam, ter nen TER a ishughun, wa nen atsam a wuese Aôndo wase sha adiguve,

Upasalmi 33:2

Sugh nen TER sha molo, wa nen Un atsam a wuese sha adiguve u sha ingyanyinya pue.

Upasalmi 71:22

Nahan mo kpaa me wuese We sha adiguve, ka mimi Wou je la, Aôndo wam. Me wa U atsam a wuese sha adiguve u vesen, We, Icighan u Iserael.

Yesaia 51:3

Gadia TER sur Shion ishima, A sur atse a agar a na cii ishima, A gema desereti na hingir er ka Eden nahan, taaikôngo na kpaa er ka sule u TER yô; á zua a msaanyol kua iember her, ishughun kua imo i icam kpaa.

Mpase U Yohane 5:8

Ngohol ruamabera la yô, akaauma a anyiin la man mbatamen mba ikundu kar unyiin mbala gba inya sha ishigh ki Waniyôngo, ve lu a mbaadiguve sha ave ser ser kua agbande a zenaria kpaa iv a kwaghhumandoon, ka mbamsen mba uicighanmbaiorov je la.