Upasalmi 94:2 - ICIGHAN BIBILO

² Mough sha, We, Orjir u taregh; na mbagengeseyol kwagh u a kom sha a ve yô.

Upasalmi 94:2 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

2 Kroniku 20:12

Aôndo wase, Ú shi ôr ve ijir gaa? Gadia se mba a agee sha ikpelaior i vesen i i ve ityav hen vese ne ga, man se kera fa kwagh u sé er ga, kpa ashe ase nga sha awe.

Upasalmi 31:23

TER, A̱ doo ne ishima, ne mba i doo Un a ven la cii; TER koson mbamimi, ne orgengeseyol injar i bo kpishi.

Upasalmi 50:6

Usha mba pasen perapera Na, gadia Aôndo iyol Na ka Orjir. Sela.

Upasalmi 68:1

Aôndo A̱ mough sha, mbaihomov Nav ve̱ sambe, mba ve ker Un ihom la, ve̱ yevese sha ishigh Nagh kera.

Upasalmi 7:6

Mough sha a ishima i vihin You TERE, kegh iyol i num sha iyugh i mbaahendanev av; nder sha ci wam, We, u U kaa wer, i̱ ôr ijir sha mimi!

Upasalmi 74:22

Mough sha, Aôndo ôr kwagh Wou iyou You; umbur iheen i orlanenkwagh nan shi heen We didi yô.

Upasalmi 82:8

Aôndo, mough sha, ôr tar ijir; akuraior cii, nga sha ikev You. Ka icam. Ka Pasalmi u Asav

Yesaia 10:12

Tsô zum u Ter Una vande kuren tom Na cii sha uwo u Shion kua ken Yerusalem kpaa yô, Me or iyev sha atam a ishima i gban gesa i tor u Ashiria man ihagh i ashe na a kenden sha la kpaa.

Yesaia 2:17

Á hide a iyolmoron i uuma la ijime, iyolgengese i ior kpaa á hee i; ka TER tseegh Una lu a icivir sha iyange la ye.

Yesaia 37:23

Ka an je u laha nan, man u toho nan kpaa? Man ka an je u hagher sha nan sha kwaghôrono, u kenden ashe sha sha ihagher kpaa? Ka sha Icighan u Iserael je.

Yesaia 37:29

Er u hundu sha a Mo, man imanger you i u manger la, i va nyerem ker ato yô, nahan Me wa tsuwe Wam ken ihinga you, kua lijam Wam kpaa ken zwa wou, Me hide a we sha gbenda u u ve mi la.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Mika 5:9

Á kende a uwegh ough sha, sha mbaahendanev ou, á tim mbaihomov ou kera cii.

2 Mbakorinte 5:10

Gadia se cii sé va tile ken igbar sha ishigh ki ikônough ki ijirigh ki Kristu keng, sha er hanma or nana ngohol kwagh u nan lu eren ken iyol la shin a lu u doon shin a lu u bo kpaa.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.