Upasalmi 93:1 - ICIGHAN BIBILO

¹ TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Upasalmi 93:1 Iomraidhean Croise

1 Kroniku 16:30

Ikarikase i̱ gbidye u iyol sha ishigh Nagh, we tar sha won cii; tar kpaa u taver je ua kera tenger ga.

1 Kroniku 16:31

Usha ve̱ ember man tar kpaa u̱ ember tsung; ve̱ kaa a akuraior er: TER tema tor.

1 Kroniku 29:12

Inyaregh man icivir ka her a We ve dugh ye, U tema tor sha akaa cii; sha uwegh Ough yô, agee nga kua tahav kpaa; ka sha uwegh Ough á civir man á taver akaa cii ye.

Yobu 40:10

Er hwe, haa mhembe kua icivir iyol; cir icivir kua iengem iyol.

Upasalmi 103:19

TER ver ikônough Nagh ki torough dong sha Usha, tartor Na kpaa ngu sha won cii.

Upasalmi 145:13

Tartor Wou ka icôrontartor je, Ú tema tor Wou sha ikov ikov cii.

Upasalmi 18:32

Ka Aôndo u A wem agee iyol la; man A gem gbenda wam u hingir vough ye.

Upasalmi 59:13

Tim ve sha iyugh, tim ve ve̱ saa sha won kera, ve̱ fa er Aôndo A tem tor sha ya u Yakob, zan zan i za ar hen akighir a tar je yô. Sela.

Upasalmi 65:6

We u iwo i til dông i lu sha agee a Ou; We u U cir agee iyol;

Upasalmi 65:7

We u U yange kume u uzegembamngerev, ka kume u agôndoamnger, kua ayôôso a akuraior la.

Upasalmi 75:3

Shin er tar kua mba ve lu sha u cii, vea kpegher kpaa, ka Mo M tim u mtôm ye. Sela.

Upasalmi 96:10

Kaa a akuraior wer: TER tema tor, tar kpaa u taver je, ua kera tenger ga. Una ôr akuraior ijir sha mimi.

Upasalmi 97:1

TER tema tor; yô, tar u̱ ember tsung; i̱ doo ityar i hen kpezegemnger la cii iyol.

Upasalmi 99:1

TER tema tor, ior ve̱ gbidye akarkase iyol! A tema tor, ngu sha ucerubi; tar u̱ tenger.

Yesaia 11:5

Perapera una lu kwange Na u shin iwenge man mimi una lu kwange Na u hen uya.

Yesaia 45:12

Ka Mo je M er tar ye, M gba or, M ver nan sha u kpaa; ka ave Am je, a samber Usha, akum a ve la cii kpaa, M wa a atindi.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 51:16

M ver akaaôron a Am ken zwa wou, M yer u ken mure u ikevwe Yam; M samber Usha, M tim imagh ki taregh, M kaa a Shion kpaa Mer: Ne mba ior Av je.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yesaia 52:7

Angahar a or u nan ve a loho u dedoo, a doo u nengen a mi sha iwo tsô, u nan yee bem, u nan ve a loho u dedoo, u nan yee myom, man nan kaa a Shion er: Aôndo wou ya tor!

Yesaia 59:17

A haa perapera iyol er rigautya u iyôô nahan; idyer i myom ngu Un sha ityou; A haa iyevoron iyol er ka akondo nahan, man A haa gbashima iyol er ka riga u wuhegh nahan.

Yesaia 63:1

Ka an or nan lu duen ken Edom, a akondo a nyian bong ken Bosera, nan civir ashe sha akondo a nan lu a mi iyol la, nan zenden ken tahav mbu nan mbu vesen laa? Ka Mo u M er kwagh u perapera man M lu a agee a yiman ne.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.

Mpase U Yohane 19:6

Tsô m ungwa ihuran er ka zegeikpelaior nahan, shi lu er ihuran i mngerem ma vesen nahan, shi lu er ihuran i idyuran i taver taver nahan, i lu kaan er: Haleluya! Ter wase Aôndo, Uhembanagee, tema tor ve.