Upasalmi 91:5 - ICIGHAN BIBILO

⁵ Ú kera cia mcieryol u utu mayange ga, shin ivaan i i keren i atetan la kpaa ga,

Upasalmi 91:5 Iomraidhean Croise

2 Utor 7:6

Gadia TER er akumautya a Mbashiria ve ungwa ihuran i akeke man i anyinya, lu ihuran i zegeikumutya; nahan ve kaa ayol a ve er: Nenge, tor u Iserael za na utor mba Mbahiti kua utor mba Mbaigipiti tôndo er ve̱ va, ve̱ va nôngo ityav a vese.

Yobu 6:4

Gadia avaan a Uhembanagee cii ngam ken iyol, megh ku a kpaa, jijingi wam, ngu man ku; mcieryol u Aôndo sendegh tange ityav a mo.

Upasalmi 112:7

Nana cia loho u bo ga, ishima i nan i taver sha er nan suur sha TER yô.

Upasalmi 46:2

Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Anzaakaa 28:1

Mbaaferev ka ve gba yevese tsô, ma or kpaa nan zendan ve ityô ga, kpa mbaperapera yô, ka ve lu a ishima i tiaver er begha nahan.

I Solomon 3:8

Ve cii ve lu a sanker, ka mbafantyav doo doo je, hanmô a sanker u nan ikooso, sha ci u cian tugh.

Yesaia 21:4

Ishima ngi tan mo kwe, mciem tam iyol; aôndoaimegh a a doom la yô, a hingir mo ikarikase i gbidyen iyol.

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Mateu 8:26

A kaa a ve er: Ka nyi ne cie, ne mba ne lu a anjighjigh u nan kpeghee ne? Tsô A mough, A yange ahumbe man zegemnger, maa hingir ving ci ca cii.

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

Luka 12:39

Kpa fa nen ner, aluer orya una fe shighe u ormbaiv a ve yô, ma a kor, ma a de er i̱ pev un iyou ga.

Mbaheberu 13:6

Nahan yô, se fatyô u kaan vangertiôr ser: Ter ka Orwasen mo, me kera cia ga, ka nyi je or á ereme?