Upasalmi 91:2 - ICIGHAN BIBILO

² Me kaa a TER mer: U ngu ijiir yam i yeren man iyouutya yam, Aôndo wam u m suur sha a We ne.

Upasalmi 91:2 Iomraidhean Croise

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Upasalmi 14:6

Ne mba heen mhen u icanor, kpa TER ka ijiir na i waren ker.

Upasalmi 142:5

M yila U TERE, m kaa mer: Ka We U lu ijiir yam i waren, kua kwar wam u ken tar u mbaumav kpaa ye.

Upasalmi 142:6

Wa iko sha mliam am, gadia m ngu seelee; yimam sha ikev i mbatôvon mo a ican, gadia ve hembam agee.

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 18:3

M yer TER, u A kom u á wuese Un yô; ka nahan man ka i yimam sha ikev i mbaihomov av ye.

Upasalmi 25:2

Aôndo wam, ka sha a We m suur ye; i̱ de vem ahenge ga; mbaihomov av kpaa ve̱ de hembem ga.

Upasalmi 31:15

Ayange am cii nga sha ikev You, yimam sha ikev i mbaihomov av kua mba ve tevem a ican kpaa.

Upasalmi 43:4

Nahan me za hen atse a Aôndo a nanden nagh sha mi, Aôndo u m-ember wam u tsung; me wuese We sha adiguve, Aôndo, Aôndo wam.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 46:2

Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Upasalmi 48:14

er Aôndo ne A lu Aôndo wase gbem sha won yô; Una lu orhemen wase zan zan ku kpaa. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 61:5

Gadia Aôndo, We, U ungwa uiceghzwa av; U na mba ve cie iti You yô, dyako.

Upasalmi 71:3

lum vande u teman ker, henpe me zer nyôron gbem yô; ka We U kaa Wer, m̱ war ye, gadia ka We U lu barwo wam man garutya wam kpaa ye.

Upasalmi 91:9

Gadia ka We, U lu ijiir yam i yeren ye, TERE. U gema Uhembansha hingir ijiir you i teman;

Anzaakaa 18:10

Iti i TER ka gôgôyou u taven u taver, orperapera ka nan yevese nan ta kimi, nan war.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yeremia 31:1

Hen shighe la, kape TER A kaa ne, Me hingir Aôndo u icombor i Iserael cii, ve di vea gema á hingir ior Av.

Luka 20:38

Wen yô, ka Aôndo u mbakpenev ga, ka u mbaumav je, gadia ka sha a Na man ve cii ve lu uma ye.

Mbaheberu 11:16

Kpa hegen yô, ka u u hembe doon la u sar ve ye, inja na yô, ka u Sha je la. Ka nahan man Aôndo kpaa kunya u ker Un u i̱ yila Un er Aôndo ve ga ye, gadia A sôr ve gar.