Upasalmi 91:1 - ICIGHAN BIBILO

¹ Or u nan tem ken ijiir i yeren i Uhembansha yô, nana tsa ken mure u Uhembanagee cii.

Upasalmi 91:1 Iomraidhean Croise

Upasalmi 121:5

TER ka orkuran wou, TER ka mure wou u ken uwegh ough ku yanegh;

Upasalmi 17:8

Kuram er hongorshe nahan; yerem ken mure u akper a Ou,

Upasalmi 25:13

Ka nan nana tema á kpe nan iyol ye, tsombor u nan ua ya dyako u tar.

Upasalmi 27:5

Gadia Una yerem ken ityumbe Na sha iyange i bo la, Una yerem ken iuv i tenti Na, Una kendem sha sha vande je.

Upasalmi 31:20

U koso ve ken iuv i sha ishigh You sha mbamzoughzwa mba iorov; U yer ve ken ityumbe sha ci u iniumsuwen i sha iniombor la.

Upasalmi 32:7

Ka We, U lu ijiir yam i yeren ye, U kuram sha mzeyol, U kasem a atsam a myom. Sela.

Upasalmi 36:7

Aôndo, erdoo Wou ngu a inja je gande cii; ônov mba iorov mba yeren ken mure u akper a Ou,

Upasalmi 52:8

Kpa mo yô, m ngu er kon u olev u ndor ken iyou i Aôndo; m ngu suur sha erdoo u Aôndo gbem sha won.

Upasalmi 57:1

Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.

Upasalmi 90:1

TERE, ka We je, U lu ijiir yase i teman, sha ikov ikov ye.

I Solomon 2:3

Er kon u apel u lu ken ikon i ikôô nahan, kape u a doom ishima la a lu ken ônnomso la. M tema shin mure na, doom iyol kpekpe, atam a na nyohom ken zwa.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 8:14

Tsô Una hingir icighanjiir man iwen i keman angahar sha mi, man vande u nôngon gbev sha mi, hen uya mba Iserael uhar cii, man shi kper man kwaghhônon kpaa sha ci u mba ve tem ken Yerusalem.

Ukwelegh 4:20

Iôôn i ahenga ase, un u TER A shigh un mkurem la, ve kôr un shin ahungwa a ve, u se fa ser, ka ken mure na sé tema ken akuraior ye.

Esekiel 11:16

Nahan yô, kaa wer: Ter AÔNDO ngu kaan nahan er: Shin er M yem a ve ca ken akuraior, man shi M sambe ve sha ityar ityar sha won, nahan kpaa, M hingir ve icighanjiir sha anyangem kpeghee sha ityar i ve yem ker la.

Mbaajiriv 9:15

Tsô saa kaa a ikon er: Á lu mimi je, ne verem ner, m̱ lu tor wen yô, va kohol nen ase shin mure wam; á lu nahan ga yô, usu u̱ due ken saa, u̱ hia usedar mba Lebanon.