Upasalmi 90:10 - ICIGHAN BIBILO

¹⁰ Ayange a anyom a ase kuma anyom akunduatargber, man aluer ayol ase aa taver kpishi yô, a kuma akunduanyiin je; nahan kpaa ihagh i a yô, ka zayol man ishima i vihin, gadia nga a kar fefa, se kpaa se kar kera wase.

Upasalmi 90:10 Iomraidhean Croise

Genese 47:9

Yakob kaa a Farao er: Ayange a anyom a shir wam, nga anyom deri man ikundugber; ayange a anyom a uma wam vese ga, ican lu eren mo sha a, a kuma sha ayange a anyom a uma a uter av sha ayange a shir ve la kpaa ga.

Genese 6:3

TER kaa er: Jijingi Wam Una kera tema ken or gbem ga, gadia nan kpaa nan ngu inyam tsô, nahan kpaa ayange a uma u nan yô, aa lu anyom deri man ikundu.

2 Samuel 19:35

Nyian anyom a am kuma anyom akunduanyiin je; me fatyô u fan mkposo u kwagh u a doo shin u a vihi kpa? Wanakiriki wou fa u benden kaven mnyohom ma kwagh u me ya shin u me ma? M shi m fatyô u ungwan imo i nomso kua kasev mba wan atsam kpaa? Ka nyi man wanakiriki wou una gema á seer a seer terem tor icanaa?

2 Samuel 19:36

Sar wanakiriki wou ka peren Yordan zan a tor cihôôn tsô; man er nan tor una er a mo doo doo yum nahana?

1 Utor 1:1

Davidi bee iyol, a tsa kpishi; vea cir un akondo kpaa, i tsee un iyol ga.

Yobu 14:10

Kpa or yô, ka nan kpe nan yav inya a agee shio; een, or tôndo iôôn; yô, shi nan ngu hana?

Yobu 20:8

Nana purugh kera er mnyam ma cien nahan, á kera zua a nan ga; een, á zenda nan kera er kwagh u i nenge a mi ken mnya tugh yô.

Yobu 24:24

Ve kende ayol a ve sha, shighe kpeghee tsô, maa ve kera lu ga; een, i kighir ve inya, i kar a ve kera er mbagenev cii nahan. I tôndo ve kera er asagher a wua nahan.

Yobu 5:7

kpa i mar or sha u nan ya ican, er amarama a usu ka a kôndon sha nahan.

Upasalmi 78:39

A umbur er ve lu ior tsô, ahumbe a karen kera, hilen ga.

Yesaia 38:12

I kar a ijiir yam i teman kera, i tsuwem i kera er ka tenti u orkuranilev nahan, m hule uma wam er ortumenikondo ka nan hule i nahan, A tôndom sha igaikondo; hii pepe zan zan tugh U beem kwagh wam kera.

Levitiku 27:7

Man aluer á lu u nan kom anyom akunduatar shin u nan hembe nahan kpaa, á lu nomsoor yô, inyaregh ki̱ u we la, ki̱ lu ushekel pue kar utaan, man á lu kwase yô, ki̱ lu ushekel pue vough.

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

Duteronomi 34:7

Mose tsa anyom deri man ikundu zum u a kpe la; ishe na wa ime ga, agee a iyolough na kpaa hide ijime ga.

Yakobu 4:14

ne mba kper tsô kpaa ne kera fe er uma wen una lu ga ne. Gadia ne mba tulugh u ka a due i nenge a mi sha ashe kpeghee maa a shi a sambe kera ne.

Yosua 14:11

Nahan kpaa m ngu a agee iyol her er iyange i Mose tindim la nahan; er agee am lu hen shighe la kape hegen kpaa a lu ne, sha u nôngon ityav man sha u duen man u nyôron.