Upasalmi 9:17 - ICIGHAN BIBILO

¹⁷ Mbaaferev vea hide shin Sheol, ka atôatyev cii a Aôndo A hungul a je la.

Upasalmi 9:17 Iomraidhean Croise

Yobu 5:13

Ka A kôr mbafankwagh sha ayom a ve la; man mhen u mbawanayom la a bunde fese.

Yobu 8:13

Kape igbenda i mba ve hungul Aôndo cii i lu la; ishimaverenkeghen i or u wan Aôndo iko ga yô, ia saa ishe.

Upasalmi 106:13

Ica kpaa lu a gba ga, tsô ityom Na hungul ve, ve kera kegh awashima Na la ga;

Upasalmi 44:17

Akaa ne cii er se, nahan kpaa U hungul se ga; se nzughul sha ikuryan You kpaa ga.

Upasalmi 44:20

Aluer iti i Aôndo wase ia hungul se, shin sea naregh ave ase hen ma aôndo ugen yô,

Upasalmi 49:14

I ver ve sha ci u Sheol, er ka iyôngo nahan, ku ua lu orkuran ve; mbaperapera yô, vea tema tor sha a ve pepe; mdooashe ve kpaa, Sheol una kar a mi kera, sha er vea kera lu a ijiir i teman ga yô.

Upasalmi 50:22

Ver nen ishima sha kwagh ne, ne mba Aôndo A hungul ne yô, sha er M̱ de tusen a ven man ma or u yiman nana lu ga ze.

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Anzaakaa 5:22

Aferakaa a iferor aa kôr nan, ikor i isholibo i nan ia kange nan.

Yesaia 3:11

Kwagh á tser iferor! Á kpe nan iyol ga, gadia kwagh u ave a nan a er la, á va er nan un nahan vough.

Yesaia 5:14

Ka nahan man Sheol a seer isharen na, a aver zwa gbanger gande, nahan icivir ve man ikpilaior ve man ayôôso a ve kua or u nan ember ken a ve, mba hungwan shimi.

Yeremia 13:25

Ka kwar wou je ne, ka kwar u u zough a mi her a Mo ne, kape TER A kaa ne, sha ci u M hungul we man u gema u lian sha aie yô.

Yeremia 18:15

Nahan kpaa, ior Av yô, M hungul ve, ve nande akaagbilinigh nagh; ve nôngo gbev sha igbenda ve, igbenda i tsuaa la, er ve gem ve zenden sha anigbendav mba sha kpe, gbenda u i kaha u ga yô,

Yeremia 2:32

Iniunkwase á fatyô u hungul ikav nav mbi hweev je, shin kwasehe una hungul kwange na u sha hwe je kpa? Nahan kpaa ior Av je kera umbur Mo ga, ayange gande u ôron.

Yeremia 3:21

Ungwa, ikenge sha agungu a penem penem, mliam man zamber u ônov mba Iserael, sha ci u ve kaha gbenda dang, TER, Aôndo ve, hungul ve.

Esekiel 22:16

Ú hôngor a iyol you sha ashe a akuraior cii man wea fa er Mo M lu TER ye.

Hosea 2:13

Me tsaha un sha ci u ayange a iniongo a Ubaal a un lu nanden ve nagh ku human doon la, man lu eren hwe sha inyarev mbi ken ato man sha asa a engem, dondon sha mbadoon un ishima la, Mo yô, M gema M hungul un, kape TER a kaa ne.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.