Upasalmi 9:10 - ICIGHAN BIBILO

¹⁰ Mba ve fe iti You yô, vea suur sha a We, gadia TERE, We, U kende mbakeren We la, dang mayange ga.

Upasalmi 9:10 Iomraidhean Croise

2 Samuel 22:3

Aôndo wam, vande wam u taver, ka sha a Na me suur ye; ka perutya wam man korough ku myom wam, barwoogh wam man ijiir yam i yeren kpaa, Oryiman wam; U yimam sha ikev i kwagh u aperagh;

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

Upasalmi 37:28

Gadia kwagh u mimi doon TER ishima, man shi te mba i doo Un a ve la kera ga. Mba koson ve gbem, kpa tsombor u mbaerenafer yô, á tim ve kera.

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 5:11

Kpa mba ve suur sha a We cii yô, ve̱ ember; ve̱ genger amo sha iember gbem, sha ci u U cir iyol sha a ve yô; mba iti You i doo ve kpaa, ve̱ ember ken a We.

Upasalmi 57:1

Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.

Upasalmi 91:14

Er M doo un ishima tsung yô, ka nahan man Me war un ye; Me kende un sha, sha ci u a fe iti Yam yô.

Anzaakaa 18:10

Iti i TER ka gôgôyou u taven u taver, orperapera ka nan yevese nan ta kimi, nan war.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 45:19

M ôr kwagh ken myer, shin ken ma ijiir ken tar u imegh kpaa ga; M kaa a tsombor u Yakob Mer: Gba keren nen Mo gbilin tsô ga; Mo TER M er kwagh u perapera, M pasen akaa a a lu vough.

Yeremia 29:13

Nahan né kerem, man né zua a Mo kpaa, zum u né kerem a ishima i môm la.

Nahum 1:7

TER doo je, ka ijiir i waren sha iyange i ican; man A fa mba ve suur sha a Na yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.