Upasalmi 87:4 - ICIGHAN BIBILO

⁴ Me ter Rahabi man Babilon Mer, ka mba ve fem je ne; nenge Filitia man Tiru kua Etiopia; ngun yô, ka keregh i mar un ye.

Upasalmi 87:4 Iomraidhean Croise

Yobu 9:13

Aôndo Una hide a iyugh Na ijime ga; mbawasen Rahabi gure Un inya;

Upasalmi 137:1

Hen uifi mba Babilon la, se tema heregh, se lu vaan, zum u se lu umbur Shion yô.

Upasalmi 45:12

We wankwase u Tiru ne, ashagbaior va a iwua, vea ker sha u ma i doo u a ve yô.

Upasalmi 68:31

Ashagbaior aa due ken Igipiti; Etiopia una naregh ave hen Aôndo fefa.

Upasalmi 89:10

We, U sombo Rahabi njighe njighe er or u i woo nan yô; U sambe mbaihomov Ou sha uwegh Ough ku ageegh.

Yesaia 19:11

Atiator a Soan ka ior mba lanen kwagh dedoo je; mhen u mbahenen kwagh a Farao mba ve hembe fan la, hingir ibumegh dang. Hii nan man ne kaan a Farao ner: Mo m ngu wan u mbafankwagh, wan u utor mba tsuaa je, nahana?

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yeremia 25:9

nenge, Me tindi i̱ za kura icombor i ken imbusutarimese cii, kape TER A kaa ne, kua Nebukadinesar, tor u Babilon, wanakiriki Wam, Me va a ve, vea ta num sha tar ne, kua mba ve tem sha u kpaa, man sha akuraior a a kase ve ne cii; Me tim ve purututu, Me gema ve vea hingir kwagh u cieryol man kwagh u gbiren iwer a min man atse a aa lu gbem sha won.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Aerenakaa A Mbaapostoli 8:27

Tsô a mough a za. Yô, orgen, or u Etiopia, u eren tom ken ya u tor, lu ititor i Kandasa, torkwase u Mbaetiopia, u akaa a na a injaa cii lu sha ikev na yô, a za ken Yerusalem sha u za civir Aôndo,

Mpase U Yohane 17:5

Sha icul na yô, i nger iti sha mi lu kwaghmyer je. I nger er: ZEGEBABILON, NGÔ U UDYAMBAKASEV MAN SHI AKAA A NDÔHÔR ISHIMA A SHIN TAR KPAA.

Mpase U Yohane 18:2

A yila sha imo i genger genger a kaa er: A yôhôl ve, Zegebabilon yôhôl ve, hingir ijiir i ujijingi mba bov tsan her, shi hingir ya u hanma jijingi u hwangeregh man shi ya u inyon i hwangerev man i ndôhôr ishima kpaa.

1 Samuel 17:8

Tsô a tile a yila akumautya a Iserael, a kaa a ve er: Ka nyi ne dugh sha u tangen ityava? Ka mo Orfiliti gaa, ne di ne mba ikpan i Saulu gaa? Yô, tsuwa nen or wen nana̱ sen hen a mo heen.