Upasalmi 86:5 - ICIGHAN BIBILO

⁵ Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Upasalmi 86:5 Iomraidhean Croise

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Upasalmi 103:3

u A de u aferakaa a ou cii, A bee u angev ou cii,

Upasalmi 103:8

TER mgbough a mhôônom ma zungwen kua mrumun u sha mhôôn, we ishima, erdoo Na ngee wuee;

Upasalmi 119:68

U doo, man U eren akaadoon kpaa, tesem akaawan a Ou.

Upasalmi 130:4

Kpa We U ngu a mde u asorabo, sha er á cia U yô.

Upasalmi 130:7

We, Iserael, ver ishima kegh TER, gadia ka hen TER erdoo a lu ye, man hen a Na mpaa ngu wuee.

Upasalmi 145:18

TER ngu ikua ikua a mba ve yer Un cii, mba ve yer Un sha mimi la cii.

Upasalmi 25:8

TER ka u doon man u mimi kpaa, ka nahan man Una tese mbaasorabo gbenda ye.

Upasalmi 36:7

Aôndo, erdoo Wou ngu a inja je gande cii; ônov mba iorov mba yeren ken mure u akper a Ou,

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 52:1

We, orageegh, ka nyi man u manger sha kwaghbo nahana? Erdoo u Aôndo ngu her zan zan.

Upasalmi 69:14

Dughum shin angbiôr, de deen mo, m̱ uven ga; i̱ yimam sha ikev i mba ve kerem ihom, man shin mngerem ma zan la kpaa.

Upasalmi 69:16

Bugh zwa a mo, TERE, gadia erdoo Wou doo kpee; sha mhôônom Ou ma zungwen yum yô, gema ishigh ken a mo.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Ekesodu 34:6

TER kar sha ishigh nagh gba yôôn er: TERE, TERE, Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je,

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yeremia 33:3

Vaa, yilam, M̱ vengese, M̱ pase u akaa a vesen, a a gande u timen, a u fe a ga yô.

Esekiel 36:33

Ter AÔNDO ngu kaan nahan er: Sha iyange i Me wanger ne sha afer a en cii yô, Me na agar aa lu a ior, man á maa ajiir a a hingir atihi a alôgh la.

Esekiel 36:37

Ter AÔNDO ngu kaan nahan er: Kwagh ne yô, kam pe ya u Iserael ma a va senem er Me er ve un yô; Me seer ve ior er ikumuile nahan.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Yoel 2:13

ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

YOHANE 4:10

Yesu gema kaa a na er: Wea fe iwua i Aôndo, man shi Un u A kaan a we er: nam mngerem, M̱ ma, ne yô, ma u sen Un, ma A ne u mngerem ma umam.

Aerenakaa A Mbaapostoli 2:21

Nahan á hingir u hanma or u nan yer sha iti i Ter yô, nana war.

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je