Upasalmi 85:8 - ICIGHAN BIBILO

⁸ Me ungwa kwagh u Aôndo TER Una kaa yô, gadia ôron Na kwagh u bem a ior Nav, man a ior mba i doo Un a ve la; kpa ve̱ de kera shi hilen ken ibume ga.

Upasalmi 85:8 Iomraidhean Croise

Genese 34:7

Ônov mba Yakob kpaa, zum u ve za ungwa kwagh la yô, ve hide ken toho; ve mba nomso mbala, asema vihi ve, kwagh vihi ve tsung, sha u a er kwagh u ibume ken Iserael, er a yav a wan u Yakob yô, kwagh la doo u ma i er nahan ga.

Upasalmi 130:4

Kpa We U ngu a mde u asorabo, sha er á cia U yô.

Upasalmi 29:11

TER Una na ior Nav agee, TER Una ver ior Nav sha bem. Ka Pasalmi u Davidi; ka icam i sha mtsegh u Iyou

Upasalmi 50:5

Kohol mba i doom a ve la imôngo her a Mo, ka mba ve ye ikur a Mo sha nagh ku sôngon je la.

Anzaakaa 25:11

Kwaghôron u sha shighe vough yô, ngu er atam a ikon a zenaria a i we a shin agbande a azurfa nahan.

Anzaakaa 27:22

Shin aluer wea kume ibumeor shin akpela sha tor a samuyia imôngo je kpaa, nahan kpaa ibumegh ki nan kia pav a nan ga.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Habaku 2:1

Me tile sha ijiir yam i kuran, me lu sha iyou i taven gôgônan, me kenger sha u me fa kwagh u Una kaam yô, man kwagh u me gema me kaa sha mhuna wam yô.

Hagai 2:9

Icivir i iyou ne i masetyô ia hemba i tsuaa la, kape TER u akum a Sha A kaa ne; hen ijiir ne Me na bem, kape TER u akum a Sha A kaa ne.

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 20:19

Tsô iyange i Lahadi la i been yô, man er hunda kpaa lu vingir ape mbahenen kohol sha ci u cian Mbayuda la yô, Yesu va va tile her atô ve, kaa a ve er: Bem a̱ lu sha a ven.

YOHANE 20:26

Ayange nga kar anigheni yô, mbahenen Nav shi kohol ker, Toma kpaa lu a ve. Tsô Yesu va er ihinda lu vingir, A va tile her atô A kaa er: Bem a̱ lu sha a ven.

YOHANE 5:14

Ken masejime u akaa la Yesu kohol un ken tempel, kaa a na er: Nenge, i bee u angev, yô, de kera shi eren isholibo ga sha er kwagh u hemban vihin a̱ de eren we ga yô.

YOHANE 8:11

A kaa er: Mo je ga,Tere. Yesu kaa a na er: Mo kpaa M na u ibo ga; yem a you, man de kera shi eren isholibo ga.]

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 3:26

Ka her a ven je Aôndo vande tindin Wanakiriki Na ye zum u A nder Un shin ku la, sha u A̱ ver ne dedoo, ka er Una gema hanmô wen sha afer a nan kera yô.

Mbagalatia 4:9

Kpa hegen er ne va fe Aôndo yô, shin guda er ne va lu mba Aôndo A fe ne yô, hii nan man shi ne lu hiden hen ujijingi mba ikoogh ga mbagban kera tsung la, shi i lu saren ne u shi hiden sha ikev ve er ka ikpan nahana?

Mbaefese 2:17

Man A va a Loho u Dedoo A yôô bem sha ci wen mba ne lu ica man bem sha ci u mba ve lu ikua ikua kpaa.

2 Timoteu 3:16

Ter u bem iyol Na, A̱ na ne bem gbem sha hanma gbenda cii. Ter A̱ lu a ven cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.

1 Samuel 25:25

M ngu zamber we, terem a̱ de veren ishima sha Nabal, gbilinor la ga, gadia er iti na i lu nahan, kape un kpaa a lu la; gadia inja i iti na er ibumegh, man ibumegh ki a na; kpa mo kpan wou u kwase yô, m nenge a mbayev mba terem a tindi la ga.