Upasalmi 84:4 - ICIGHAN BIBILO

⁴ Saan mba ve tem ken iyou You iyol, mba wuese We gbem. Sela.

Upasalmi 84:4 Iomraidhean Croise

Upasalmi 145:21

Zwa wam ua ôron kwagh u iwuese i TER; uuma cii ve̱ wuese icighanti Na gbem sha won.

Upasalmi 23:6

Akaadoon man mhôônom ma kôron tseegh aa zan a mo ityô sha ayange a uma wam cii; me tema ken iyou i TER zan zan je ayange á ngee. Ka Pasalmi u Davidi

Upasalmi 27:4

M sôn TER kwagh môm tsô, ka un me ker ye, mer: Ma m lu ken iyou i TER sha ayange am cii, sha u me nenge mkomashe u TER, man me time kwagh ken tempel Na kpaa.

Upasalmi 42:11

Ishima yam ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 5:3

TERE, pepe Ú ungwa imo yam; pepe me ver msen wam sha ishigh You man me kegh kpaa.

Upasalmi 65:4

I saan or u U tsough nan la iyol, Wer nana̱ kporom er nana tema ken ityembe i iyou You la. Mdoom ma ya Wou maa kuma se, ka icighantempel Wou je la.

Upasalmi 71:15

Zwa wam ua shi ôron kwagh u perapera Wou didi, man u myom Wou, gadia m fa iyenge ve ga.

Upasalmi 71:8

Zwa wam iv a iwuese You, man a icivir You kpaa, iyange jimin cii.

Mpase U Yohane 7:15

Ka sha ci u nahan man ve lu sha ishigh ki ikônough ki Aôndo ki torough, ve lu eren Un tom ken tempel Na tugh man tetan kpaa ye. Un u A tem sha ikônough ki torough la Una samber tenti Na sha a ve.