Upasalmi 83:4 - ICIGHAN BIBILO

⁴ Ve kaa er: Va, sé za tim nen ve, ve̱ de kera luun ikurior ga; sha er i̱ kera umbur iti i Iserael sha won ga yô.

Upasalmi 83:4 Iomraidhean Croise

Nehemia 4:2

a ôr kwagh sha ishigh ki anmgbianev nav kua ikumutya i Samaria, a kaa er: Ka nyi Mbayuda aseeraior ne a erene? Á gba den ve, ve̱ za hemen tsôô? Vea na nagha? Vea kure tom iyange i mômô? Vea nder awen ken atihialôgh a i nande a kera la?

Upasalmi 74:8

Ken asema a ve yô, ve lu kaan er: Sé tim nen ve kera purututu; ve nande ajiir a Aôndo a i kohol ker, ken tar la cii.

Ekesodu 1:10

yô, va, sé hen kwagh u sé er; sha er ve̱ de kera seer a seer iyenge er iyange i ityav á mough yô, ve̱ de te ken mbaihomov asev, ve̱ nôngon ityav a vese, ve̱ mough ve̱ due ken tar ne ga.

Anzaakaa 1:12

Sé mena ve uma er Sheol nahan, a agee a ve iyol her, er ka mba ve senen shin ihungwa nahan;

Yeremia 11:19

Kpa mo m lu er waniyôngo u sulan or yô, u i ze a mi hen ijiir i sôngon un yô; m kera fa er ve we kwaghbo ishima a mo nahan ga, er: Sé tim nen kon kua atam a u, man shi sé paa un sha tar u mbaumav kera, i̱ de kera umbur iti na ga.

Yeremia 31:36

Aluer aeren a sha atindi atindi angan aa kar sha ishigh Yagh kera yô, kape TER A kaa ne, nahan vor u Iserael kpaa ua kera lu ikurior sha ishigh Yagh sha won ga.

Yeremia 48:2

icivir i Moabi bee kera; ken Heshebon ve wa kwaghbo ishima a na, er: Va nen, sé tim un kera, a̱ de kera lu ikurior ga. We, Mademen kpaa, á gema u ú hingir ving, sanker una dondo u ijime.

Esekiel 38:10

Ter AÔNDO ngu kaan nahan er: Tsô sha iyange la, mbamhen vea va ken ishima you, ú hen mhen u bo;

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Aerenakaa A Mbaapostoli 4:17

Kpa sha u ugwa ne u̱ de samber hen ior ga yô, se cir nen ve zwa er mayange ve̱ de kera ôron ma or kwagh ken iti ne ga yô.

Yosua 9:2

ve kohol ayol a ve sha u nôngon ityav a Yosua man Iserael a ishima i môm.